Mitengo 5:14 - Bhiblia Yo Sawuleka

¹⁴ se ti nga maheka ti to moya wa txiluse wu txita ka mwamna wa kona; e lusela mkatakwe wu a nga ti nzambwisa; mwendo kulusela wamwamna wule a nga onha ni msikati wakwe.

Mitengo 5:14 Referans Kwoze

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

Mavingu 6:34

Nguko txiluse txa mwamna wakwe txi na m'henyisa; kambe ditshiku da kuphota kwakwe, kha na mbi m'divalela.

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Mitengo 5:30

Ni yihi mbimo wamwamna a wulelelwako ngu moya wo lusela mkatakwe mbiluni kwakwe, e maha wukhuxu, ene a fanete kuhenjeleta msikati wakwe masoni ka Txizimu, se mphaxeli a na mxola ngu mlayo wotshe.