Mitengo 4:5 - Bhiblia Yo Sawuleka

⁵ Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.

Mitengo 4:5 Referans Kwoze

Vahebheru 9:3

Ngu msana ka m'jiyo wa wumbidi, ku ti ni dimwani ditenda, di nga ti dhanwa ku Wukhalo wo Sawuleka ngutu.

Matewu 27:51

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela.

Vahebheru 10:20

Ngu kwakwe hi mani nzila ya yiphya ni ya kuhanya, ayi ene a nga hi tulela kasi ku hi txi pinda ngu hagari ka m'jiyo i ku mmidi wakwe.

Isaya 25:7

Se mmangoni hawa a na vharula nguwo yi matiko otshe ma tsivako ngu yona tikhohe, ni m'jiyo wu matiko otshe ma sisalako ka wona.

Mitengo 10:14

Nguko kukhata ku to khukha m'jeke wa dizumbo da vanana va ka Judha, madingano ni mabutho awe a tiyimbi; se ka dibutho dawe da yimbi, ku ti ti ni Nasoni, mwana Aminadhabhe.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

Eksodha 36:35

Kumahilwe m'jiyo wa mixowo ya mkungu, ni wa txiwunguwungu, ni wo bhilivila, ni wa linyu yo hehuka yo fefelwa, yi rungelwa sikombiso sa makerubhima.

Eksodha 40:5

U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Mitengo 4:4

Ngu wona mthumo wa vanana va ka Kohate, amu ditendani da msengeletano; ti to ve xayisa siya so sawuleka.

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

1 Makronika 15:15

Se vanana va Valevhi, va to pakata dibhokiso da Txizimu, ngu tindonga tile ti nga ti txitimwi ka dona, madingano ni dipswi da Mkoma, ngu kuwomba ka Mosi.

1 Makronika 23:26

Ni ku va ka Levhi kha va na mbiswa ve rwala Ditenda da Mkoma, hambi txiya ni txa tximwetxo txo lumba mthumo wakwe.

2 Makronika 3:14

Solomoni a to maha nguwo yo kwalala ni yo bhilivila, ni nguwo yo bhilivila ngutu, ni yo hehuka ya disilika e ti sanzeka txitimwi ka makerubhima.