Mitengo 4:47 - Bhiblia Yo Sawuleka

⁴⁷ Vavamna votshe va magumi mararu kala ka mtxhanu wa magumi a malembe, a vale va nga lulama kuthuma mthumo wa wuthangeli amu ka ditenda da msengeletano.

Mitengo 4:47 Referans Kwoze

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

1 Makronika 23:27

Nguko madingano ni mapswi o gwitisa a Dhavhidha, ku to balwa vanana va ka Levhi va magumi mambidi a malembe ni kuya masoni.

1 Makronika 23:3

Se ku to balwa Valevhi va magumi mararu a malembe ni kuya masoni; mtengo wawe madingano ni vathangeli va kona, i ti 38.000 wa vavamna.

Mitengo 4:37

Avava ngu va va nga balwa, va liveleko la Kohate, ka votshe va va nga txi thuma ditendani ka msengeletano, va nga balwa ngu Mosi ni Aroni, madingano ni kuruma ka Mkoma, ngu dianza da Mosi.

Mitengo 4:30

u na balela vale va tanga ya magumi mararu kala mtxhanu wa magumi a malembe, ava va fanelako kuwulela ka mthumo wuwa kasi kuthuma amu ka ditenda da msengeletano.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 4:46

Wotshe mtengo wa Valelvhi vale va nga balwa ngu Mosi ni Aroni, ni vathangeli va ka Israyeli, i ku Valevhi, madingano ni liveleko lawe ni tinyumba ta vatate vawe.

Mitengo 4:48

Votshe va va nga balwa i ti ti 8.580, wa vale va nga bhalelwa.