Mitengo 4:3 - Bhiblia Yo Sawuleka

³ vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

Mitengo 4:3 Referans Kwoze

Mitengo 4:23

U na bala votshe vathu kukhukhela tanga ya magumi mararu kala mtxhanu wa magumi a malembe, ka vale va ku ni fanelo kuwulela va txi thuma mthumo wa ditenda da msengeletano.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

1 Timoti 3:1

Di thembekile dipswi diya di ku: Awu a navelako kuva mthangeli wa dibanza, a navela mthumo wa wunene.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Luka 3:23

Jesu a ti lava kuva ni magumi mararu a malembe, mbimo yi a nga khata kugondisa; se ngu kudinganisa ka vathu, i ti mwana Josefa; mwana Heli;

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

1 Makronika 6:48

Se vanawe, va ka Levhi va ti vekilwe amu ka mithumo yotshe ya Nyumbani ka Txizimu.

Mitengo 16:9

Ina Txizimu txa ka Israyeli, txi nga va txi di mi sawute ka msengeletano, txi mi tshuketisa hafuhi ka txona, kasi ku ta maha mthumo wa Nyumbani ka Mkoma, ni kuema masoni ka msengeletano, mi thumela vathu kani?

Mitengo 4:35

Vavamna votshe va magumi mararu kala ka mtxhanu wa magumi a malembe, avale va nga lulama kuwulela ka mthumo wo xayisa ditenda da msengeletano.

Mitengo 4:30

u na balela vale va tanga ya magumi mararu kala mtxhanu wa magumi a malembe, ava va fanelako kuwulela ka mthumo wuwa kasi kuthuma amu ka ditenda da msengeletano.

Genesisi 41:46

Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Mitengo 4:2

“Mahani bhalela, mi bala Valevhi, i ku vanana va Kohate, ngu mimwaya yawe, i ku tinyumba ta vatate vawe;

Mitengo 4:4

Ngu wona mthumo wa vanana va ka Kohate, amu ditendani da msengeletano; ti to ve xayisa siya so sawuleka.

2 Samuwele 5:4

Dhavhidha a to khata kufuma a di tanga ya magumi mararu a malembe; se a to fuma mune wa magumi a malembe.

Mitengo 1:3

votshe va kukhukhela ka tanga ya magumi mambidi a malembe kuya masoni, va ka Israyeli vale vo dingano kuya yimbini, mi na va bala madingano ni mabutho awe a tiyimbi, awe ni Aroni.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 4:47

Vavamna votshe va magumi mararu kala ka mtxhanu wa magumi a malembe, a vale va nga lulama kuthuma mthumo wa wuthangeli amu ka ditenda da msengeletano.

2 Makronika 31:17

Ni va va nga maha bhalela ya kubalwa ngu tihunzu ta vaphaxeli, madingano ni tinyumba ta vatate vawe, ni Valevhi, va tanga ya magumi mambidi a malembe kuya masoni, madingano ni mitxawa yawe.