Mitengo 4:23 - Bhiblia Yo Sawuleka

²³ U na bala votshe vathu kukhukhela tanga ya magumi mararu kala mtxhanu wa magumi a malembe, ka vale va ku ni fanelo kuwulela va txi thuma mthumo wa ditenda da msengeletano.

Mitengo 4:23 Referans Kwoze

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

2 Timoti 4:7

Ni lwite yimbi ya yinene, ni hetile mnava wa kututuma kwangu, ni veketile likholo.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

2 Vakorinto 6:7

ngu dipswi da ditshuri, ngu mtamo wa Txizimu, ngu matxhari a kululama hi ma ñolako ngu manza a txinene ni a txibhabha,

1 Vakorinto 9:7

I mani a tsulako yimbini ngu mtamo wakwe dwe, kani? I mani a phayako mivhinya, asi dyiko mihando ya yona kani? Mwendo i mani a dyisako mtxhambi asi seliko masi a kona kani?

1 Makronika 23:27

Nguko madingano ni mapswi o gwitisa a Dhavhidha, ku to balwa vanana va ka Levhi va magumi mambidi a malembe ni kuya masoni.

1 Makronika 23:24

Avava ngu vona vanana va ka Levhi, madingano ni nyumba ya vatate vawe, vathangeli va vatate vawe, madingano ni ti va nga baliswa tona ngu mtengo wa matina, madingano ni vathangeli, vale va nga ti maha mthumo wa Nyumbani ka Mkoma, va tanga ya magumi mambidi a malembe ni mtxhanu ni kuya masoni.

1 Makronika 23:3

Se ku to balwa Valevhi va magumi mararu a malembe ni kuya masoni; mtengo wawe madingano ni vathangeli va kona, i ti 38.000 wa vavamna.

Mitengo 4:22

“Bala vanana va ka Gerisoni, ngu tinyumba ta vatate vawe ni mimwaya yawe.

Mitengo 4:24

Awuwa wu na va mthumo wa mimwaya ya vanana va ka Gerisoni, kuxayisa kwawe ni kurwala kwawe.

Mitengo 8:25

se kukhukhela ka mtxhanu wa magumi a malembe a tanga, a na huma mthumoni wa wuphaxeli, kha na mbiswa e wu thuma kambe.