Mitengo 4:15 - Bhiblia Yo Sawuleka

¹⁵ Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 4:15 Referans Kwoze

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Mitengo 10:21

Sekoko va ka Kohati va to khukha, va di rwate nyumba yo sawuleka; se vamwani va to gula nyumba, vona va txi ngadi va txita.

1 Makronika 15:2

Sekoko Dhavhidha a to khene: Kha ku na m'thu a nga tekako dibhokiso da Mkoma, ngako i si nga Valevhi; nguko Mkoma a va sawute, kasi ku ve teka dibhokiso da Mkoma, ni ku mthumela kala kupinduka.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

1 Makronika 15:15

Se vanana va Valevhi, va to pakata dibhokiso da Txizimu, ngu tindonga tile ti nga ti txitimwi ka dona, madingano ni dipswi da Mkoma, ngu kuwomba ka Mosi.

2 Samuwele 6:13

Se ku to maheka taku, mbimo yile varwali va dibhokiso da Mkoma va nga tsimbila mtxhanu wa makando ni dimwedo, ene a to phaxa ngu tihomu ni marole o nona.

Joxuwa 4:10

Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa. Sekoko vathu va to kuluveta va txi tshawunyeta.

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Eksodha 19:12

U na komba ka vathu muhingano ngu kurendelekisa, u txi va gela tiya: Mi nga kweleni mmango hambi ni kugwesa makhatoni ka wona. Awule a wu gwesako, a na tsayiswa ngu kufa.

Eksodha 27:7

Mipakato u na yi wuletisa amu ka masinda, ati to mipakato yi maneka ka madhawa otshe a txiluvelo, ngako txiluvelo txi txi gulwa.

Levhi 16:13

Se a na thela dibaselo txitimwi ka makala a mndilo, masoni ka Mkoma, wutshi wa dibaselo, wu na fanengeta txikhalo txa Wufakazi, kasiku Aroni asi fi.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 4:14

Se ngu txitimwi ka kona, va na veketela simaha sotshe si si thumiswako ka mthumo wa mphaxo, asi so hisela ka sona dibaselo; tifoloko, mafoxola, mikamba ni sotshe simaha sa ha magandeloni. Va na ateta ngu txitimwi didhowo do hehuka, se msana keto, va na bethela sikhongwani.

Mitengo 4:19

Aniko, ati mi no va mahela ngu tito, ve hanya va si fi mbimo yile va tshuketako ka wukhalo wo kusawuleka ko sawuleka, mi na maha tiya: Aroni ni vanana vakwe, va na emiswa mmweyo ni mmweyo ka mthumo wakwe, ni wukhalo wakwe.

Mitengo 4:20

Kambe ka mbimo yi va wulelako, kha kulaveki ve wonana aha ka simaha so sawuleka, nguko va nga fa.”

Mitengo 18:3

Vona va na maha mthumo wako ni wa ditenda dotshe. Aniko va nga thuke ve tshuketa aha ka siya so sawuleka, hambi ha txiluveloni, nguko va ngafa, kumweko ni nawe.

2 Samuwele 15:24

Wona taku Zadhoki nene a ti ti ho koneho kumweko ni votshe Valevhi vale va nga ti rwate dibhokiso da txitumelelano txa Txizimu; se va to veka koneho dibhokiso da Txizimu; se Abhiyatari a to kwelela kala kuza vathu votshe ve guma kuhuma didhoropani.

1 Makronika 23:26

Ni ku va ka Levhi kha va na mbiswa ve rwala Ditenda da Mkoma, hambi txiya ni txa tximwetxo txo lumba mthumo wakwe.

Eksodha 19:21

Se Mkoma a to khene ka Mosi: “Relela u txi ya zivisa vathu ati to va si tshawunyeti muhingano ngu kulava kuwona Mkoma, kasi ku ku si fi vavangi.

1 Vafumeli 8:3

Ma tota otshe madhota a ka Israyeli, se vaphaxeli va to kwelisa dibhokiso da txitumelelano.