Mitengo 4:14 - Bhiblia Yo Sawuleka

¹⁴ Se ngu txitimwi ka kona, va na veketela simaha sotshe si si thumiswako ka mthumo wa mphaxo, asi so hisela ka sona dibaselo; tifoloko, mafoxola, mikamba ni sotshe simaha sa ha magandeloni. Va na ateta ngu txitimwi didhowo do hehuka, se msana keto, va na bethela sikhongwani.

Mitengo 4:14 Referans Kwoze

2 Makronika 4:19

Kambe Solomoni a to mahetela sotshe siya si si nga txi laveka Nyumbani ka Mkoma: Txiluvelo txa nzalama, ni meza ya nzalama yo veka ka yona mapawu o mbi tshumbelwa;

Eksodha 27:3

U na maha kambe simbiyana so na ola ngu sona dikhuma, mafoxola, mabhaziya, tifoloko ni sikho, sotshe simaheso u na si maha ngu koporo.

Mitengo 4:6

Kambe va na fenengeta txitimwi ka kona ngu madhowo a matxalu, ngu txitimwi ka dona ku na gwimbwa nguwo ya mkuxe; se va na veka minaneko.

Mitengo 4:13

Ngu msana ka kuva va di thavisile makhuma ha magandeloni ka kona, va na ateta txitimwi ka ona nguwo yo bhilivila.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Eksodha 27:1

“U na maha txiluvelo ngu mapulango a setime; aale ma ku ni mtxhanu wa mikono ya kulapha, ni mtxhanu wa mikono kuanama (txiluvelo nja mune wa makhona o dingana), ni mikono yimbidi kudemba ka kona.