Mitengo 4:11 - Bhiblia Yo Sawuleka

¹¹ Ha magandeloni ka kona ka nzalama, va na ateta nguwo ya mkuxe. Se va na fenengeta ngu txifenengeto txa didhowo do hehuka. Ngu msana keto va na veka sikhongwani.

Mitengo 4:11 Referans Kwoze

Eksodha 40:5

U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.

Eksodha 39:38

txiluvelo txa nzalama, mafura o tola ni dibaselo do bhumula; nguwo ya m'jiyo wa ha txikeni ka ditenda;

Mtuletelo 8:3

Yi to ta yi ta ema yimwani ngelozi hafuhi ni txiluvelo, yi di ni txiya txa txiwungelo txa nzalama. Se va to yi ninga dibaselo da dingi kasiku yi di pata ni mikombelo ya votshe vasawuleki, txitimwi ka txiluvelo txa nzalama, txi ku masoni ka txikhalo txa wukoma.

Mitengo 4:6

Kambe va na fenengeta txitimwi ka kona ngu madhowo a matxalu, ngu txitimwi ka dona ku na gwimbwa nguwo ya mkuxe; se va na veka minaneko.

Mitengo 4:10

Va na veka sotshe siya ka txifenengeto txa didhowo do hehuka, hahatshi, ngu txitimwi ka sikhongwani.

Mitengo 4:12

Msana keto, va na teka sotshe simaha si si thumiswako aha ka wukhalo wo sawuleka, ve si veka aha ka nguwo yo bhilivila, se va txi si fenengeta ngu txifenengeto txa didhowo do hehuka, ve si veka txitimwi ka sikhongwani.