Mitengo 36:6 - Bhiblia Yo Sawuleka

⁶ Dipswi di Mkoma a nga ruma ngu mhaka ya vanana vamahorana a Zelofeyadhi, a txi khene: Va nave vasikati va ni wihi wu a no va wona a txi va navela, va txi tekwa ka mwaya wa lihunzu la tate vawe.

Mitengo 36:6 Referans Kwoze

Mitengo 36:12

Va vile vasikati va va ka Manasi, mwana Josefa; ngu kumaha keto, thomba yawe yi zumbile ka lihunzu la mwaya wa tate wawe.

2 Vakorinto 6:14

Mi nga sungweni ha dikangeni kumweko ni va va si kholwiko. Nguko wusengeli muni wu kuho hagari ka kululama ni kubiha kani? Mwendo wusengeli muni wu kuho hagari ka liwoningo ni txidema kani?

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Mitengo 27:7

Vanana va Zelofeyadhi va womba to pfala; mi fanela kuvaninga makhalo, awe awa ma no maha thomba hagari kwawe; se mi va ninga sotshe sitate wawe a nga si siya.

Mitengo 36:5

Sekoko Mosi a to ruma vanana va ka Israyeli, madingano ni kuruma ka Mkoma, a txi khene: Lihunzu la vanana va ka Josefa, li womba-womba to pfala.

1 Makronika 23:22

Se Eleyazari a to fa asi nga ni vanana va vafana, kambe a ti ni vanana vamahorana; se vanana va Kisi, mwanawe, va to va teka va txi maha vasikati vawe.