Mitengo 35:33 - Bhiblia Yo Sawuleka

³³ Ngu maha yeto, kha mi na mbi nyenyezisa ditiko di mi ku ka dona; nguko mnoha wa maha ditiko di nyenyeza; kambe ni wawumwewo mphaxo wa kuthavisa txionho, kha wu na mbi mahwa ngu mhaka ya ditiko, ngu mhaka ya mnoha wu wu no thekela ka dona, hahanze ka mnoha wa wule a nga theketa mnoha wa mmwani m'thu.

Mitengo 35:33 Referans Kwoze

Masalmo 106:38

Va theketile mnoha wo mbi na mnandu, mnoha wa vanana vawe va vafana ni mahorana, ve phaxela ngu wona ka sithombe sa Kanana se ka toneto va nyenyezisile ditiko.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

2 Vafumeli 24:4

kumweko ni mnoha wo mbi na mnandu, wu nga theketwa walo, ku txi tala Jerusalema ngu mnoha wo mbi na mnandu; ngu mhaka yeto, Mkoma kha tumela ku m'divalela.

2 Vafumeli 23:26

Hambiketo, kutura ka txiviti txa hombe txa Mkoma, kutoya masoni txiviti txakwe txi turile txi wukela Judha, ngu sotshe simaho sile Manasi a nga m'vhuka ngu sona.

Levhi 18:25

Ditiko di nyenyezile, se ani ni tsayisa wubihi wa dona, aniko ditiko di na kosa vaaki va dona.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Masalmo 106:28

Se va to khozela Bhahali-Peyori, va txi dya timhamba to mahelwa vafi.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Mitengo 35:32

Kambe mi nga amukeleni mhamba ya m'thu wule a nga zumba didhoropani ka wuthavelo, kasi kutshumela eya hanya ditikoni kwakwe, an'ze a txifa mphaxeli wa hombe.

Dhewuteronome 19:10

kasi ku si thekeli mnoha wo mbi na mnandu ka ditiko di Mkoma, Txizimu txako, a no kuninga, di txi maha thomba yako, ni kuva ku si maneki mnandu wo thekela mnoha, txitimwi kwako.

Valamuli 9:24

atiya ti humelete kasi ku txi photelwa wugevenga wule wu nga mahwa, wo daya mtxhanu wa magumi ni magumi mambidi a vanana va Jerubhahali, ni ti to mnoha wawe wu txi wa txitimwi ka Abhimeleki mwanawe, awule a nga va daya, kumweko ni vavamna va Sikemi, avale va nga mkujetela kudaya vanawe.

1 Vafumeli 2:31

Mfumeli a nje khene: “Mahisa tona ti a nga wombisa tona, m'daye, mtshotshe, u txi thavisa kwangu ni ka nyumba ya tate wangu, mnoha wu Jowabhi a nga wu theketa hahanze ka mnandu.”

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Jeremiya 26:15

Zivani dwe ti taku, mi txi ni daya, mi neha mnoha wo mbi na mnandu txitimwi ka wutumbu wanu, ni txitimwi ka didhoropa diya, ni txitimwi ka votshe va zumbako ka dona; nguko Mkoma ngene a nga ni ruma ku ta txhumayela kwanu totshe tiya timhaka.

Dhewuteronome 19:13

Kha kulaveki u txi mtsetsa; kambe u na fuvisa mhaka ya kutheketa mnoha wo mbi na mnandu ka va ka Israyeli se u na kateka.

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

2 Samuwele 21:9

Se a to va ningela manzani ka Vagibheyoni, avale va nga va txikita mmangoni masoni ka Mkoma; se votshe va mtxhanu ni vambidi va to fa ngu mbimo yimweyo; Va to dawa ka masiku a kuelula, i ku masiku o khata, kukhatani ka kuelula ka Sevhadha.

2 Makronika 23:15

Se va to mñola, ve tsula nayo nyumbani ka mfumeli ngu didhawa da txike txa Ditimba da Mahantxhi, veya m'dayela kona.