Mitengo 35:21 - Bhiblia Yo Sawuleka

²¹ mwendo a txi peka mlala wakwe ngu txibhakela, se a txifa, ngu ditshuri m'dayi a nafa, nguko m'dayi, se mphoteli wa mnoha, a na daya m'dayi, ditshiku di a no mmana.

Mitengo 35:21 Referans Kwoze

Mitengo 35:20

Se m'thu a txi retha m'thu ngu mhaka ya ku mnyenya, mwendo kurinza txo maha txi m'daya,

Mitengo 35:22

Aniko ngako a txi retha m'thu ngu phazamo, awu i singako mlala wakwe, mwendo ku mrinza txo maha ngu phazamo;

2 Samuwele 14:11

Se wamsikati a to khene: Ni kombela ti to awe mfumeli u alakanya Mkoma, Txizimu txako, kasiku vawukeli va mnoha va si engeteli dikhombo diya ngu kudaya mwanana wangu. Sekoko mfumeli a to khene: A na hanye Mkoma, hambi msisi wawumwewo wa mwanana wako kha wu na mbi wa hahatshi.

Genesisi 4:14

Wa ni tutumisa nyamsi ka ditiko diya; ni kurumetwa kusisala kule ni khohe yako, ni na tsimbila ni txi thava-thava ni kupepeseka ha mafuni, ni wu a no khata ku ni mana, a na ni daya.”

Genesisi 9:5

Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa.

Mitengo 35:19

Mphoteli wa mnoha a na daya apune m'dayi, ngu ditshiku di a mmanako.

Ezekhiyele 16:38

Ni na ku lamulisa ti va lamuliswako tona va wugango, ni vale va theketako mnoha; ni na gwitisa ku kudaya ngu kuhenya ni txiluse.