Mitengo 35:20 - Bhiblia Yo Sawuleka

²⁰ Se m'thu a txi retha m'thu ngu mhaka ya ku mnyenya, mwendo kurinza txo maha txi m'daya,

Mitengo 35:20 Referans Kwoze

Eksodha 21:14

Ngako m'thu a txi daya mmwani khakwenye, hambi nga ti a di ha digandeloni kwangu, u na mñola u txi mruruvisa u txi ya m'daya nene.

Dhewuteronome 19:11

Ti di ngeto, ngako m'thu wokari a txi maneka a txi phika muakelani wakwe, aha koza a txi m'baramela, a txi mu wukela, e m'daya, se ngu msana a txi thava e tutumela ka dimwedo da madhoropa ale,

2 Samuwele 20:10

Se Amasa kha wonisisa ditxhari di di nga ti ti manzani ka Jowabhi, aho kuza Jowabhi e thola Amasa ka limbavhu la wutxhanu, se masembe me kubuka hahatshi; kambe kha mthola ka wumbidi, se Amasa a to fa; sekoko Jowabhi ni mwanawe Abhixayi va to londeta Sebha, mwana Bhikiri.

2 Samuwele 3:27

A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe.

Genesisi 4:8

Se Kayini a to langana ni mwanawe Abhele: “A hi tsimbile thembweni.” Se ku to maheka taku, va di thembweni, Kayini e wukela mwanawe Abhele, a txi m'daya.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Mithumo 20:3

ahawa a nga ya zumba mitxima yiraru. Mbimo yi a nga lava kubela txitimelani eya Siriya, ku to tumbuluka dizunga da kuwukela ene, na di txi vhukwa ngu Vajudha, se ene e wona nzila ya kutshumelela Makedhoniya.

Luka 4:29

Se va di khukhile, va to m'humisa hahanze ka didhoropa va txi mu yisa txitimwi ka mmango wu didhoropa dawe di nga ti aketwe ka wona, kasi kuya mu susumeta a txi wa hahatshi.

Marku 6:19

Herodhiya a to wukela Johani, e lava ni ku m'daya, aniko asi sikoti.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Mavingu 26:24

Awule a ku ni livengo a xengisa ngu txisofu txakwe, na kuve mbiluni kwakwe a sisa wukanganyisi.

Masalmo 11:2

Wonani vathu vo biha va ku nga malaho awe va txi kotokela tingove tawe ahawa ka lisinga, ti taku, va di sisate, ve khwinza tingove tawe, ve fula avale va ku ni mapimo o lulama.

2 Samuwele 13:22

Kambe Abhisalome kha womba txilo txo biha hambi txo tshura ka Aminoni; nguko Abhisalome, a to vengela Aminoni ngu kule a nga kurumeta Tamara, ndiyakwe.

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

1 Samuwele 20:1

Sekoko Dhavhidha a to tutuma ngu Nayote, kona Rama, eya masoni ka Jonatani, a txi ya khene: Ni onhile txani kani? Mnandu muni ni ku nawo kani? Ngu txihi txionho txangu masoni ka tate wako, a ku a lavako ku ni daya kani?

1 Samuwele 18:25

Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista.

Genesisi 4:5

aniko kha wona ngu kutsaka Kayini ni mningelo wakwe. Kayini a to henya ngutu, ni khohe yakwe yi to thuvika.

Mitengo 35:19

Mphoteli wa mnoha a na daya apune m'dayi, ngu ditshiku di a mmanako.

Mitengo 35:21

mwendo a txi peka mlala wakwe ngu txibhakela, se a txifa, ngu ditshuri m'dayi a nafa, nguko m'dayi, se mphoteli wa mnoha, a na daya m'dayi, ditshiku di a no mmana.