Mitengo 35:2 - Bhiblia Yo Sawuleka

² Ruma vanana va ka Israyeli taku, ka makhalo awa ma no va thomba yawe, ningani Valevhi madhoropa awa va no zumba ka ona; mi va wilela ni ko dyisa kona sifuyo sawe, hafuhi kwawe.

Mitengo 35:2 Referans Kwoze

Ezekhiyele 48:8

Se hafuhi ni muhingano wa Judha, khukhela ka didhawa da wutxani kala mswa-ditambo, i nava mningelo wu mi no wu maha wa 25.000 wa tipimo ta kuanama, ni kulapha ko fana ni ka txikhwemu tximwetxo, kukhukhela didhawa da wutxani kala mswa-ditambo; kambe wukhalo wo sawuleka wu na va ngu hagari ka kona.

Ezekhiyele 48:22

Kambe kukhukhela ka thomba ya va ka Levhi, ni thomba ya didhoropani, hagari ka sile si no lumba mthangeli, ngu hagari ka muhingano wa ka Judha ni wa Bhenjamini, esso si na va sa mthangeli.

Mitengo 35:1

Se Mkoma a to womba ka Mosi, libalani ka Vamowabhi, hafuhi ni Jordhani ka Jeriko, a txi khene:

Mitengo 35:3

Madhoropa awa, va na zumba ka ona, se madhawani ka kona, ma na maha a sifuyo sawe, ni ka thomba yawe, ni sihari sawe sotshe.

Dhewuteronome 18:6

Se ngako a txita Mlevhi wokari ngu ka dimwedo da madhoropa ako, ahale ene a zumbako kona, ka dotshe ditiko da ka Israyeli, na a txi navela ngu yotshe mbilu yakwe, kuta ka wukhalo wu Mkoma a no wu sawula,

2 Makronika 11:14

Nguko Valevhi va lekile makhalo awe o dyisela ka ona ni tithembwe tawe, veya ditikoni ka Judha ni Jerusalema, (nguko Jerobhowamu ni vanana vakwe va ti va vhalela kumaha mthumo wa Mkoma).

2 Makronika 31:19

Hambi ka vanana va Aroni, vaphaxeli ava va nga aka ka tithembwe ta hahanze ka madhoropa awe, va ti ti ni vathu ava va nga dhanwa ngu matina awe, kasi kuve phakela votshe vavamna va vaphaxeli ni Valevhi votshe avale va nga balwa.

1 Makronika 13:2

se Dhavhidha a txi khene ka wotshe msengeletano wa va ka Israyeli: Ngako i di ta tinene kwanu, ni kungako eto ti txita ngu ka Mkoma, Txizimu txathu, ahi rumeleni mitumi ngu kukuluveta, ka votshe vanathu, ni ka dotshe ditiko da Israyeli, ni ka vaphaxeli, ni ka Valevhi, amu madhoropani ni ka makhalo o dyisela ka ona sifuyo, kasi ku ve ta ti pata ni nathu;

Nehemiya 13:10

Ni to mana kambe ti to Valevhi kha va ningwa txyavelo txawe txatxidotho, ni ti to Valevhi ni vaembeleli, avale va nga ti thuma va tutumile, mmwani ni mmwani eya ditikoni kwakwe.