Mitengo 35:12 - Bhiblia Yo Sawuleka

¹² Madhoropa awa, awu a no daya m'thu ngu phango a na ya sisala ka ona, a txi thava vaphoteli, kasi ku asi fi, eza e lamulwa, masoni ka msengeletano.

Mitengo 35:12 Referans Kwoze

Dhewuteronome 19:6

i si nga toneto, mphoteli wa mnoha, ngu kuva a di henyile mbiluni kwakwe, a nga sikota ku mlondeta, kala a txi mmana e m'daya, ngako mpfhuka wa nzila i di wa hombe, na kasi m'thu eneyo a ti si nga ni fanelo yo m'daya, nguko a ti si m'vengi ka masiku ale ma nga pinda.

Joxuwa 20:9

Aawa ngu ona madhoropa ale ma nga sawulwa kasiku, votshe vanana va ka Israyeli, kumweko ni votshe valuveli vale va zumbako hagari kwawe, ngako mmweyo wawe a di date m'thu ngu phango, a na mana ko thavela kona, asi dawi ngu manza a mphoteli wa hombe, kala kuza a txi ya lamulwa ngu msengeletano.

2 Samuwele 14:7

Se otshe maxaka ma to wukela txithumi txako txa txisikati, ma txi kha ona: Hi ninge wule a nga daya mwanawe i m'daya, ngu mhaka ya wutomi wa mwanawe, awule a nga m'daya, kasiku hi fuvisa txidya thomba etxo. Ngu mamahelo eyo, va na tima dikala di di nga ni salela, ku va si siye ditina da mwamna wangu txitimwi ka mafu.

Mitengo 35:19

Mphoteli wa mnoha a na daya apune m'dayi, ngu ditshiku di a mmanako.

Mitengo 35:13

Se ka madhoropa ale mi no ma ningela, ku nava ni mtxhanu wa madhoropa ni dimwedo, aawa anu mi no thavela ka ona.

Dhewuteronome 19:4

Se mhaka yi yi ningako m'dayi fanelo ya kulava wuthavelo kasi ku e hulukisa wutomi wakwe, ngu yiya. Awu a dayako muakelani wakwe ngu phango, na a sa thanga ngu ku m'venga.

Joxuwa 20:2

“Gela vanana va ka Israyeli u txi khawe: Sawulani madhoropa a wuthavelo, aawa ni nga mi gela ngu txisofu txa Mosi: