Mitengo 34:2 - Bhiblia Yo Sawuleka

² Gela vanana va ka Israyeli u txi khawe: Ngako mi di wulete ditikoni ka Kanana, ditiko diya di na va thomba yanu: Ditiko da Kanana, madingano ni mihingano ya dona.

Mitengo 34:2 Referans Kwoze

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Masalmo 105:11

mbimo yi a nga womba a txi khene: “Ni na kuninga ditiko da Kanana, di maha thomba yi yi kulumbako.”

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Vaefesu 1:14

awu i ku txitsaniso txa thomba yathu, ayi hi no yi mana, ditshiku di Txizimu txi ningako kukhululeka ko gwitisa ka vava i ku va txona, ku mahela ti to ve pfalisa wudhumo wa txona.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Ezekhiyele 47:14

Se di na va thomba yanu, a kheno ni kheya; nguko ni gute dianza txitimwi ka dona, kasi ku di ningela ka vatate vanu; ngu kumaha keto, edo ditiko, di na va thomba yanu.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Mitengo 34:1

Mkoma a to womba kambe ka Mosi, a txi khene:

Ezekhiyele 47:13

Mkoma Txizimu a khene: Awuwa wu na va m'hingano wa ti mi no tekisa tona ditiko ni thomba, madingano ni digumi da tihunzu ni timbidi ta ka Israyeli. Josefa a na va ni madhawa mambidi.

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.