Mitengo 34:14 - Bhiblia Yo Sawuleka

¹⁴ Nguko lihunzu la vanana va Rubheni, ni lihunzu la vanana va Gadhi ti amukete; ni hafu ya lihunzu la vanana va Manasi di amukete thomba ya dona.

Mitengo 34:14 Referans Kwoze

Mitengo 32:33

Ngu toneto, Mosi a to teka ditiko da Sihoni, mfumeli wa Vaamori, ni ditiko da Oge, mfumeli wa Bhasani, e ninga vanana va ka Rhubeni, ni vanana va ka Gadhi, ni vamwani va lihunzu la ka Manasi, mwana Josefa; ni madhoropa a dona, ni madhoropa awa ma nga ti di ranganyetile.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Mitengo 34:15

Tihunzu timbidi ni hafu ya lihunzu, ti amukete thomba ya tona, mtxhatuko ka Jordhani, wa Jeriko, ngu didhawa da wutxani, ka wutxani.

Dhewuteronome 4:38

A tutumisile masoni kwako, vathu va va ku palako ngu wuhombe ni mtamo, kasi ku ku wuleta awe ditikoni kwawe, adi a nga kuninga awe, di txi maha thomba yako, nga ti kala ni nyamsi i ku toneto.

Dhewuteronome 33:21

Ene a ti sawulete didhawa do khata, awu i nga ti txyavelo txa vasungi va milayo. Ngene a tsimbilako ni vathangeli va vathu, awu a mahako kululama masoni ka Mkoma, ni sileleto sakwe ka va ka Israyeli!