Mitengo 33:53 - Bhiblia Yo Sawuleka

⁵³ se mi na honyola ditiko mi zumba ka dona; ngako ni nga mi ninga ditiko diya, kuva di mi lumba.

Mitengo 33:53 Referans Kwoze

Dhewuteronome 11:31

Nguko mi na txhatuka Jordhani mi ya wulela ni kuteka ditiko di Mkoma, Txizimu txanu, a mi ningako; se di na mi lumba, mi aka ka dona.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.

Dhewuteronome 7:17

Ngako u txi womba mbiluni kwako u txi khawe: “Mifumo yiya njayingi ngutu kupinda ani, ni nga yi xulisa kutxani kani?”

Dhewuteronome 17:14

Mbimo yile u no wulela ka ditiko dile Mkoma, Txizimu txako, a no kuninga, kasi ku u txi di teka, ni kuva u txi aka ka dona, se u txi pimisa u txi khawe: Ni lava ku ti emisela mfumeli, kufana ni mifumo yotshe yi yi nga ni randela;

Joxuwa 23:5

Mkoma, Txizimu txanu, ene apune a na va girimusa masoni kwanu, a na va honyola ditiko a txi mi ninga, se anu mi na di fuma, nga ti Mkoma, Txizimu txanu, a nga mi thembisa.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Dhewuteronome 3:18

Ka txonetxo txikhati ani ni mi ningile txileleto txiya: “Mkoma, Txizimu txanu, a mi ningile ditiko diya, ti to di txi va i di thomba yanu. Anu tindena, vavamna va mtamo, mi na tsimbila mi di xomile masoni ka vananu, i ku vanana va ka Israyeli.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.