Mitengo 33:52 - Bhiblia Yo Sawuleka

⁵² mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Mitengo 33:52 Referans Kwoze

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Dhewuteronome 31:5

Mkoma a na va ningela kwanu, se anu mi na maha kwawe madingano ni ti ni nga mi leletisa tona.

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Joxuwa 11:15

Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.