Mitengo 32:5 - Bhiblia Yo Sawuleka

⁵ Va to kha vona kambe: Ngako hi di mani kukateka masoni kwako, hi ninge ditiko diya athu sithumi sako, di maha thomba yathu, kambe u nga hi txhatukise mnambo wa Jordhani.

Mitengo 32:5 Referans Kwoze

Jeremiya 31:2

Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.

Esteri 5:2

Se ku to maheka taku, mfumeli a di woni msikati wakwe Esteri, a di emile mu ka muhubhe, wamsikati a to mana dithomo masoni ka mfumeli; kambe mfumeli a to xungameta Esteri ngu ndonga ya nzalama, a ngadi nayo manzani kwakwe, se Esteri a to tshuketa eya gwesa tshoka ya ndonga.

2 Samuwele 14:22

Sekoko Jowabhi a to khizama e namisa khohe hahatshi, e bonga ka mfumeli, a txi khene: Nyamsi txithumi txako txa ziva ti to txi mani dikato masoni kwako, awe mfumeli, nyamne wangu, nguko mfumeli a mahile madingano ni dipswi da txithumi txakwe.

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

Rute 2:10

Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”

Joxuwa 7:7

Se Joxuwa a to khene: “Yowe! Mkoma Txizimu! Ngu kutxani u nga txhatukisa vathu vava mnambo wa Jordhani, kasi ku ta hi ningela manzani ka Vaamori, va txi ta hi lovisa kani? I di txhuko hi ti ko zumba mtxhatuko ka Jordhani!

Dhewuteronome 1:37

Ngu mhaka yanu, Mkoma a henyile, hambi ni nani a ni henyete, a txi khene: “Nanawe khu na mbi wulela ka dona.

Genesisi 19:19

Txithumi txako txi mani dithomo masoni kwako, kambe u kombisile wumbilu wako wa hombe kwangu, ani txithumi txako, ngu kuhulukisa wutomi wangu. Aniko kha ni sikoti kututumela mmangoni, ni nga welwa ngu dikhombo diya, ni txi fa.

Mitengo 32:4

ditiko di Mkoma a ngadi tsayisa masoni ka msengeletano wa ka Israyeli, ditiko da sifuyo; se sithumi sako si ni sifuyo.

Mitengo 32:6

Aniko Mosi a to wotisa vanana va Gadhi ni vanana va Rubheni, a txi khene: Vananu va na tsula kulwani, se anu mi lava kuzumba hawa kani?