Mitengo 32:4 - Bhiblia Yo Sawuleka

⁴ ditiko di Mkoma a ngadi tsayisa masoni ka msengeletano wa ka Israyeli, ditiko da sifuyo; se sithumi sako si ni sifuyo.

Mitengo 32:4 Referans Kwoze

Mitengo 21:34

Se Mkoma a to khene ka Mosi: U nga thave, nguko ene ni mningete manzani kwako, ene ni vathu vakwe votshe, ni ditiko dakwe dotshe; u na maha kwakwe madingano ni ti u nga maha ka Sihoni, mfumeli wa Vaamori, awu a nga ti akile Hesibhoni.

Mitengo 21:24

Se Israyeli a to va tholetela ngu matxhari, e va khozisa, e teka ditiko dawe, kukhukhela Arnoni kala Jabhoki, kala ka vanana va ka Amoni; nguko m'hingano wa vanana va ka Amoni, wu ti ti ni mkhokhola wa hombe.

Mitengo 32:5

Va to kha vona kambe: Ngako hi di mani kukateka masoni kwako, hi ninge ditiko diya athu sithumi sako, di maha thomba yathu, kambe u nga hi txhatukise mnambo wa Jordhani.

Dhewuteronome 4:38

A tutumisile masoni kwako, vathu va va ku palako ngu wuhombe ni mtamo, kasi ku ku wuleta awe ditikoni kwawe, adi a nga kuninga awe, di txi maha thomba yako, nga ti kala ni nyamsi i ku toneto.

Mitengo 21:35

Va to lwa nayo, va txi mkhozisa, ene, vanana vakwe, vathu vakwe, ku si huluki lambi ni wammweyo, ve teka ditiko dakwe.

1 Makronika 4:41

Avava koko, va nga bhalwa ngu matina awe, va to ta ka masiku a Ezekhiya, mfumeli wa Judha, ve ta haxula matenda ni mazumbo a vale va nga ti maneka koneyo, va txi ma fuvisa do gwita, kala ka ditshiku da nyamsi, se vona ve zumba ka wukhalo wawe, nguko koneyo ku ti ni wudyiselo wa tinvuta tawe.

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.