Mitengo 32:39 - Bhiblia Yo Sawuleka

³⁹ Se vanana va Makiri, mwana Manasi, va to tsula Gileyadhi, veya tutumisa votshe Vaamori va va nga ti hanya ka ditiko diya, ve di teka.

Mitengo 32:39 Referans Kwoze

Genesisi 50:23

Se Josefa a woni vanana va Efrayime, va liveleko la wuraru; ni vanana va Makiri, mwana Manasi, va velekilwe ngu Josefa.

Joxuwa 17:1

Lihunzu la ka Manasi awule i nga ti matiwula a Josefa, li ningilwe ni lona txyavelo txa lona, Makiri, matiwula a Manasi, awule i ku tate wa Gileyadhi ni Bhasani.

Mitengo 26:29

Vanana va Manasi, ngu vava: Va Makiri, ka mwaya wa va ka Makiri; se Makiri a to veleka Gileyadhi; va ka Gileyadhi, ka mwaya wa va ka Gileyadhi.

Dhewuteronome 3:15

Ni ningete ditiko da Gileyadhi ka ngamu ya ka Makiri.

Valamuli 5:14

Nguko Efrayime a relete ka vaaki va Amaleki; se msana kwako, wata Bhenjamini a hagari ka vathu vako; manganakana ma relela ma txi ta ngu Makiri ni Zebhuloni, va pinda va di ñote ndonga ya mabhalani.

Valamuli 10:8

Se ka dona edo dilembe, va to xupha ni kuxanisa vanana va ka Israyeli; va va xanisile mndani ka digumi da malembe ni mtxhanu ni mararu, votshe vanana va ka Israyeli, avale va nga ti akile mtxhatuko ka Jordhani, ditikoni ka Vaamori, kona Gileyadhi.

2 Samuwele 24:6

Se va toya Gileyadhi ni ka ditiko da Mkovani ka Kadhesi, veya hoka ni Dhani-Jahani ni madhawani ka Sidhoni.