Mitengo 32:32 - Bhiblia Yo Sawuleka

³² Athu hi na txhatuka, hi di xomile, masoni ka Mkoma, hiya ditikoni ka Kanana, kambe hi na lumbwa ngu thomba mtxhatuko ka Jordhani.

Mitengo 32:32 Referans Kwoze

Mitengo 32:31

Se vanana va Gadhi ni vanana va Rubheni, va to xamula va txi kha vona: Ati Mkoma a nga womba ka sithumi sakwe, hi na ti maha.

Mitengo 32:33

Ngu toneto, Mosi a to teka ditiko da Sihoni, mfumeli wa Vaamori, ni ditiko da Oge, mfumeli wa Bhasani, e ninga vanana va ka Rhubeni, ni vanana va ka Gadhi, ni vamwani va lihunzu la ka Manasi, mwana Josefa; ni madhoropa a dona, ni madhoropa awa ma nga ti di ranganyetile.

Dhewuteronome 3:12

Sekoko, hi tekile ditiko donedo, kukhukhela Aroweri, i ku ditiko di di ku mabambe ka mnambo wa Arnoni. Ni ningile va ka Rubheni ni va ka Gadhi, hafu ya mmango wa Gileyadhi, ni madhoropa a kona.

Dhewuteronome 29:8

hi khozisile ditiko dawe hi di ningela di maha thomba ya va ka Rubheni, ni va ka Gadhi, ni ka hafu ya nyumba ya ka Manasi.

Levhi 14:34

Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Mitengo 32:19

Nguko kha hi na mbi va ni thomba hagari kwawe, akhe mtxhatuko ka Jordhani, hambi kuya masoni; nguko yathu thomba, hi na yi mana wutxani, ka mtxhatuko wa Jordhani.

Mitengo 34:15

Tihunzu timbidi ni hafu ya lihunzu, ti amukete thomba ya tona, mtxhatuko ka Jordhani, wa Jeriko, ngu didhawa da wutxani, ka wutxani.

Dhewuteronome 1:1

Aawa, mapswi ale Mosi a nga xawutela ka votshe va ka Israyeli, mtxhatuko ka Jordhani, txiwulani, ka libala li ku masoni ka Sufe, ngu hagari ka Parani, ni Tofela, ni Labhani, ni Hazerote, ni Dhizahabhi.

Joxuwa 12:1

Avava ngu vona vafumeli va ditiko, avale va nga khoziswa ngu vanana va ka Israyeli, va txi va tekela matiko awe, mtxhatuko ka Jordhani, ngu diphambo da wutxani, kukhukhekla ka txinambwana txa Arnoni kala mmangoni ka Hermoni ni dotshe ditiko da Arabha kala wutxani,

Joxuwa 12:6

Mosi txithumi txa Mkoma, ni vanana va ka Israyeli, va to va khozisa; se, Mosi, txithumi txa Mkoma, a to teka ditiko da kona e di ningela ka va ka Rubheni, ni va ka Gadhi ni ka hafu ya nyumba ya ka Manasi, kasiku di txi maha ditiko dawe.