Mitengo 32:29 - Bhiblia Yo Sawuleka

²⁹ Se Mosi a to khene kwawe: Ngako vanana va Gadhi ni vanana va Rubheni va txi txhatuka ni nanu mnambo wa Jordhani, mi yalwa yimbi masoni ka Mkoma, mi sikota kuteka ditiko di maha danu, va ningeni ditiko da Gileyadhi, di maha dawe;

Mitengo 32:29 Referans Kwoze

Mitengo 32:28

Sekoko Mosi a to ruma dipswi ngu mhaka yawe ka mphaxeli Eleyazari, ni ka Joxuwa, mwana Nune, ni ka misungo ya tinyumba ta vatate, va lihunzu la vanana va ka Israyeli.

Mitengo 32:30

Kambe ngako va si txhatuki ni nanu va di xomile veya kulwani, ni vona va na ningwa wukhalo ditikoni ka Kanana.

Joxuwa 13:11

Ni Gileyadhi ni ditiko da Gesuri ni da Mahakate, ni wotshe mmango wa Hermoni, ni dotshe ditiko da Bhasani kala Salika;

Mitengo 32:17

Kambe athu hi na xoma matxhari, hi kuluvetela hi thangela va ka Israyeli, hiza hi teka makhalo awe, se ngu mhaka ya vazumbi va ditiko, vanana vathu va na sala ka madhoropa a mtamo.

Joxuwa 12:6

Mosi txithumi txa Mkoma, ni vanana va ka Israyeli, va to va khozisa; se, Mosi, txithumi txa Mkoma, a to teka ditiko da kona e di ningela ka va ka Rubheni, ni va ka Gadhi ni ka hafu ya nyumba ya ka Manasi, kasiku di txi maha ditiko dawe.

Joxuwa 14:3

Nguko Mosi a ti ti abanisete thomba ka tihunzu ta timbidi ni ka yimwani hafu ya lihunzu, mtxhatuko ka Jordhani; aniko ka Valevhi kha va ningwa thomba hagari kwawe.

Joxuwa 18:7

Valevhi va na mbi va ni txyavelo txa thomba hagari kwanu; nguko wuphaxeli wa Mkoma ngu yona thomba yawe. Kasi Gadhi, ni Rubheni ni hafu ya lihunzu la ka Manasi, va amukete thomba yawe mtxhatuko ka Jordhani, wutxani, ayile Mosi, txithumi txa Mkoma, a nga va ninga.

Joxuwa 22:9

Vanana va ka Rubheni ni vanana va ka Gadhi va to tsula kumweko ni hafu ya lihunzu la ka Manasi, va txi siya vanana va ka Israyeli kona Silo, ditikoni ka Kanana, va txi ya ditikoni ka Gileyadhi, adile i kuthomba yawe, va nga ningwa madingano ni txileleto txi a nga txi maha ngu Mosi.

Valamuli 10:3

Se msana kwakwe, ku to humelela Jayiri, Mugileyadhi, awule a nga maha mlamuli wa va ka Israyeli, amu ka magumi mambidi a malembe ni mambidi.

1 Samuwele 18:17

Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).