Mitengo 32:23 - Bhiblia Yo Sawuleka

²³ se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Mitengo 32:23 Referans Kwoze

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.

Genesisi 44:16

Sekoko Judha a to xamula, a txi khene: “Hi na womba txani kwako mthangeli, hi nga wombisa kutxani, hi ti basisisa kutxani kani? Txizimu ngu txona txi nga wonekisa kubiha kwathu, athu sithumi sako. Athu hi tikhumbi tako tata, athu hotshethu kumweko ni wule digombe dako di nga ya manekela manzani kwakwe.”

Masalmo 90:8

Awe u vekile sionho sathu masoni kwako wa landula sionho si hi nga si maha kusisalani.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Genesisi 4:7

Ina ngako u txi maha ta tinene, khu na mbi u amukelwa kani? Se ngako u txi maha to biha, txionho txi na ku baramela ha txikeni, txi txi lava ku ku pfinya, aniko awe wa sikota ku txi xula.”

Varoma 2:9

Dikhombo ni kuxaniseka si na va txitimwi ka m'thu wuhi ni wuhi a mahako to biha; ka Mujudha kukhata ni ka Mugriki nene.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Masalmo 140:11

Vathu va makuhu va na fuve ha mafuni; makhombo ma na londisele sigevenga kala kuza me si fuvisa.

Masalmo 139:11

Hambi idiku no khani: “Txidema txi na ni khubhunyete, sekoko wusiku wu na va i di liwoningo, madhawani kwangu.”

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Joxuwa 7:18

se a di tshuketisile nyumba ya Zabhedhi, ngu m'thu ni m'thu, ku to sawulwa Akane, mwana Karimi, mwana Zabhedhi, mwana Zera, wa lihunzu la ka Judha.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Jona 1:7

Se mmweyo ni mmweyo a ti ti khene ka mmwani: Ngonani hi ta xaxuva tixolo, kasiku hi na ziva tito, nji txani txi hi mahako hi humelelwa ngu phango yiya. Va to xaxuva tixolo, se xolo yi ya wela Jona.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

1 Vafumeli 2:33

Ngu kumaha keto, mnoha wawe vava wu na thekelela txitimwi ka msungo wa Jowabhi, ni ka msungo wa liveleko lakwe, kala kupinduka; aniko ka Dhavhidha, ni ka liveleko lakwe, ni ka nyumba yakwe, ni ka txikhalo txakwe txa wukoma, Mkoma a na ninga kuthutha, ngu ha ku si gwitiko.

Mavingu 24:16

Nguko awule wo lulama hambi a txi wa mtxhanu ni kumbidi, ngu magwito a na wuka; aniko vabihi va na ti gumula kubihani.