Mitengo 32:22 - Bhiblia Yo Sawuleka

²² Se ditiko di na vekwe hahatshi masoni ka Mkoma, ngu msana, mi na wuya mi ta zumba mi di divaletwe, masoni ka Mkoma ni masoni ka Israyeli. Ngu kona ditiko diya di no maha danu, masoni ka Mkoma;

Mitengo 32:22 Referans Kwoze

Joxuwa 22:9

Vanana va ka Rubheni ni vanana va ka Gadhi va to tsula kumweko ni hafu ya lihunzu la ka Manasi, va txi siya vanana va ka Israyeli kona Silo, ditikoni ka Kanana, va txi ya ditikoni ka Gileyadhi, adile i kuthomba yawe, va nga ningwa madingano ni txileleto txi a nga txi maha ngu Mosi.

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Dhewuteronome 3:20

Kala Mkoma a txi ninga kuhumula ka vananu, kufana ni nanu, kambe ni vona va na di fuma ditiko diya, Mkoma, Txizimu txanu, a nga va ninga, kona mtxhatuko ka Jordhani; sekoko mmwani ni mmwani, a na tshumelela ka thomba yakwe, ayile ani ni nga mninga.

Joxuwa 13:8

Yimwani hafu ya lihunzu la ka Manasi, kumweko ni va ka Rubheni ni va ka Gadhi, evo va amukete thomba yawe, ayiya Mosi txithumi txa Mkoma, a nga va ninga, mtxhatuko ka Jordhani, ngu diphambo da wutxani,

Joxuwa 1:15

kala kuza Mkoma a txi ninga kuhumula ka vananu, kufana ni nanu, se ni vona va na mane ditiko di Mkoma, Txizimu txanu, a va ningako; sekoko mi na tshumelela ka ditiko di di mi lumbako, a nga mi ninga Mosi, txithumi txa Mkoma, akheno mtxhatuko ka Jordhani, ngu didhawa da wutxani.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

2 Samuwele 3:28

Ngako a di ti pfite Dhavhidha a to khene: Ani ni mfumo wangu kha hi na mnandu ka Mkoma kala kupinduka, ka mnoha wa Abhineri, mwana Neri.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 10:30

Se Mkoma a to di ningela ni dona ni mfumeli wa dona, manzani ka va ka Israyeli, ava va ngadi khozisa ngu ditxhari, ni votshe avale va nga ti ti hanya ka dona; kha va nga leka ni wammweyo wo sala. Va to maha ka mfumeli wa kona ta kufana ni ti va nga maha ka mfumeli wa Jeriko.

Joxuwa 2:19

Ku na maheka koko taku, ni wihi a no huma ha txikeni ka nyumbani yako, mnoha wakwe wu na va txitimwi ka msungo wakwe, se athu kha hi na mbi va ni mnandu; aniko ni wihi a no va ni nawe nyumbani, mnoha wakwe wu nave txitimwi ka misungo wathu, ngako a txi dawa.

Levhi 14:34

Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Mitengo 32:21

mmwani ni mmwani wanu a nga xoma, e txhatuka mnambo wa Jordhani, masoni ka Mkoma, ve tutumisa valala va ku masoni kwawe.