Mitengo 32:14 - Bhiblia Yo Sawuleka

¹⁴ Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

Mitengo 32:14 Referans Kwoze

Luka 11:48

Kha ditshuri mi maha wufakazi wa mithumo ya vatate vanu, na mi txi yi tumela, nguko vona ngu vona va nga va daya, se anu mi aka mayiva awe.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Isaya 57:4

I mani wu mi msekako kani? I mani wu mi asamako sisofu kwakwe, ni ku mi humisela mani lidimi kani? Ina kha mi nga vanana va wuhambunyeti, liveleko la makuhu,

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Masalmo 78:57

Va tshumelete msana, ve eyisa Txizimu kufana ni vatate vawe; va ti jikisile kufana ni wulaho wo gombonyeka!

Jobe 14:4

(I mani wa wubihi waku a nga humisa so tshura kani? Lambi ni wammweyo!)

Nehemiya 13:18

Ina hi nga tona tiya va nga maha vatate vanu, txiza Txizimu txathu txi tisa dikhombo diya txitimwi kwathu, ni ka didhoropa diya kani? Se anu mingadi mi engetela kuhenya ka Txizimu txitimwi ka Israyeli, ngu ku nyamisa Sabbata.

Ezra 10:10

Sekoko a to khukha Ezra, i ku mphaxeli, e va gela tiya: Anu mi hambunyetile, ngu kuteka vasikati va mamwani matiko, mi andisa kuhotela ka Israyeli.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Genesisi 5:3

Adhamu a ti ni 130 wa malembe a tanga, mbimo yi a nga veleka mwanana wo fana nayo khohe ni mmidi, awu a nga mraya ditina daku i Sete.

Mitengo 32:15

Ngako mi txi leka ku mlondeta, nene a na tshumela kambe e va leka votshe vale va ku txiwulani, se a na va xasela.

Dhewuteronome 9:24

Anu mi vaeyisi ka Mkoma, kukhukhela ka ditshiku di ni nga khata ku mi ziva.

2 Makronika 28:13

Va txi kha vona: Mi nga wuletiseni tikhumbi tiya amuwa, nguko mi nga hi engetela sionho sathu ni minandu yathu ka Mkoma, mnandu wathu mbwa hombe ni kuhenya ka hombe ka Mkoma ku txitimwi ka vanana va ka Israyeli.