Mitengo 31:8 - Bhiblia Yo Sawuleka

⁸ Va to daya vamwani, kuleka vale va nga ti datwe, i ku vafumeli va Vamidhiyani, i ku Evhi, ni Rekemi, ni Zuri, ni Huri, ni Rebha, eko mtxhanu wa vafumeli va Vamidhiyani; ni Bhalahamu, mwana Bheyori, va nga m'daya ngu ditxhari.

Mitengo 31:8 Referans Kwoze

Mitengo 25:15

Kasi ditina da wamsikati wa Mumedhiyani a nga dawa i Kozibhi, mwana Zuri, i nga ti mthangeli wa nyumba ya Vamidhiyani.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

Masalmo 10:2

Kutikulisani kwawe, vabihi va xanisa sisiwana; va na bzwetwe ngu milawu yi va nga riya.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Mitengo 25:18

nguko nanu va mi xanisile, va mi xengetete ngu wurindi wawe, nga ha va nga mi kanganyisa ngu mahungu a Peyori, ni mhaka ya Kozibhi, i ku mwanana wa wahombe wa mmidhiyani, ndiya ya wu a nga dawa ditshikudo da mtungu wu wu nga humelela ngu mhaka ya Peyori.

Mitengo 24:25

Sekoko Bhalahamu a to khukha e tsula, e tshumelela ka wukhalo kwakwe, Bhalake nene a to teka yakwe nzila.

Mitengo 22:10

Se Bhalahamu a to khene ka Txizimu: Bhalake, mwana Zipora, mthangeli wa Mowabhi, a rumete vathu kwangu, a txi khene:

Mitengo 22:4

Ngu kumaha keto, Mowabhi a to khene ka madhota a Vamidhiyani: “Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga. Ka yona yile mbimo, Bhalake, mwana Zipora, i ti mfumeli.”

Mitengo 24:14

Konkuwa koko, ani na tsula ka vakakwathu, ngono ni ta kuzivisa ati vathu vava va no maha, ka vathu vako ka masiku o gwitisa.”

Mitengo 31:9

Kambe vanana va ka Israyeli, va to tsulisa wukhumbini vavasikati va Vamidhiyani, ni vanana vawe; ve teka ni sihari sawe sotshe, ni sifuyo sawe sotshe, ni totshe tithomba tawe.

Mitengo 31:16

Wona taku, ngu vona vava va nga kuzetelwa ngu Bhalahamu, veza ve maha ti to vanana va ka Israyeli, ve onhela Mkoma, mhakani ka Peyori, se kumaneka txiruko hagari ka msengeletano wa Mkoma.

Habhakuki 3:7

Ni wona matenda ya Kusani ma di kupandisekani; matenda a ditiko da Midhiyani ma txi dhudhumela.

Mitengo 22:5

Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu!

Mitengo 23:10

I mani a sikotako kubala Jakobe wo tala nga lithulu kani? Hambi kuziva mtengo wa wumune wa va ka Israyeli kani? Moya wangu wu nafe ngu mafelo a vo lulama, ni magwito angu nga awe!

Mavingu 11:3

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Mavingu 13:17

Txirumwa txo biha txi wela kubihani, aniko txirumwa txo thembeka ngu hanya.