Mitengo 31:41 - Bhiblia Yo Sawuleka

⁴¹ Se Mosi a to ninga mphaxeli Eleyazari, siningo sile si nga humiselwa Mkoma, nga ti Mosi a nga rumiswa tona ngu Mkoma.

Mitengo 31:41 Referans Kwoze

Mitengo 18:19

Yotshe miningelo ayi vanana va ka Israyeli va no ninga Mkoma, ya simaha so sawuleka si nota ningelwa kwako, kumweko ni ka vanana vako, va mazambi ni vamahorana, awuwa wu na va mlayo wa yotshe mbimo. Nguko atxiya, njitumelelano txa kala kupinduka, txa mnyu masoni ka Mkoma, a txi txi no maha txako ni ka liveleko lako.

Mitengo 18:8

Mkoma a to khene kambe ka Aroni: “Wona ti to awe ni ku ningile mthumo wa sotshe so sawuleka asi vanana va ka Israyeli va nga si ningela kwangu; se ni si ningete kwako, kasi si txi va txyavelo kwako ni ka vanana vako, kala ka mbimo yo mbi guma.”

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

Vagalatiya 6:6

Awule a gondiswako Dipswi, a na abane ni m'gondisi wakwe sotshe sa sinene si a ku naso.

Matewu 10:10

hambi kuva ni mkwama wa nzila, hambi mabhaji mambidi, hambi masandazi, hambi ndonga; nguko txithumi txi fanetwe ngu muholo wa txona.”

Mitengo 5:9

Sotshe si so sawuleka, asi vanana va ka Israyeli va heleketako ka mphaxeli si lumba ene.

Mitengo 5:10

Simaha so sawuleka sa m'thu ni m'thu si lumba ene nyamne; asi si heleketwako ka mphaxeli si na va sakwe.

Mitengo 31:40

Se ka 16.000 wa vathu; u na ninga Mkoma, magumi mararu a vathu ni vambidi.

Mitengo 31:42

Se hafu ya si Mosi a nga ninga vanana va ka Israyeli, si ti dingana ni si a nga ninga va va ngaya yimbini.

Eksodha 12:28

Vanana va ka Israyeli va to khukha va txi tsula va txi ya maha toneto; nga ti Mkoma a nga womba ka Mosi ni ka Aroni, va to maha nga toneto.