Mitengo 31:30 - Bhiblia Yo Sawuleka

³⁰ Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.

Mitengo 31:30 Referans Kwoze

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

Mitengo 3:25

Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

1 Vakorinto 4:2

Se vaaveli ta laveka va txi maneka i di vo thembeka.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

1 Makronika 23:32

ni kuxayisa kha kwati ditenda da msengeletano, ni wukhalo wo sawuleka, ni kuvhuna vanana va ka Aroni, vanawe, ka mthumo wa Nyumbani ka Mkoma.

Mitengo 31:28

Sekoko ka Mkoma, u na teka nduwo ya vavamna va yimbi, avale va nga huma veya yimbini; amu ka 500, njimaha tximwetxo, ka vathu hambi ni ka tihomu, ka timbongola ni ka tinvuta.

Mitengo 31:29

Se dimwani didhawa, mi na teka mi ningela ka mphaxeli Eleyazari, ka mningelo wo ndiwitelwa, ka Mkoma.

Mitengo 31:31

Se Mosi, ni Eleyazari, mphaxeli, va to maha nga ti Mkoma a nga leletisa tona ka Mosi.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 8:26

Kambe wa sikota kuthuma ni vakwawe ditendani ka msengeletano, kasi kuxayisa siya; aniko kha na mbi maha wumwani mthumo; u na maha toneto ka Valevhi, ngu didhawa da mthumo wawe.

Joxuwa 9:27

Se ka dona ditshiku dile, Joxuwa a va mahile valavi va tikhuni, ni vareki va mati a msengeletano, ni a txiluvelo txa Mkoma, kala ka ditshiku da nyamsi, ka wukhalo wu a nga wu sawula.

2 Makronika 14:15

Va to haxulela matenda, ve handa sifuyo, ve teka ni tinvuta ni makamelu ve tshumela ve tsula Jerusalema.