Mitengo 31:3 - Bhiblia Yo Sawuleka

³ Mosi a to womba koko ka vathu, a txi khene: Va na xome vokari va ka kwanu va txi yalwa ni Vamidhiyani, kasi kuya photela Mkoma ka Vamidhiyani.

Mitengo 31:3 Referans Kwoze

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

2 Vafumeli 10:30

Se Mkoma a to khene ka Jehu: Ngako u nga maha ti i ku to lulama masoni kwangu, madingano ni ti ni ngadi nato mbiluni kwangu, u mahile ka nyumba ya ka Akabe, vanana vako va na fumela Israyeli kala ka liveleko la wumune.

2 Vafumeli 9:7

U na peka nyumba ya nyamne wako Akabe, kuva ni lwisa mnoha wa sithumi sangu, wa vaprofeti, ni mnoha wa sithumi sa Mkoma, ngu dianza da Jezabheli.

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

Valamuli 5:2

“Nguko vathangeli va nga sikota kuthangela Israyeli, ni vona vathu va nga ti ningela ngu kuranda kwawe va txi yalwa, ngu mhaka yeto, dhumisani Mkoma,

Mitengo 25:13

Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.

Mitengo 25:11

Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu.

Eksodha 17:16

Se a txi khene: “Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Mitengo 31:4

Lihunzu ni lihunzu ka toshe tihunzu ta ka Israyeli, li na rumela 1.000 yimbini.