28 Sekoko ka Mkoma, u na teka nduwo ya vavamna va yimbi, avale va nga huma veya yimbini; amu ka 500, njimaha tximwetxo, ka vathu hambi ni ka tihomu, ka timbongola ni ka tinvuta.
Se u na womba ka Valevhi u txi khawe: Ku ngako u txi amukela sa wugumi sa vanana va ka Israyeli, asi ni mi ningako kuva thomba yanu, nanu mi na thavisa sa wugumi ka sona, mi ningela ka Mkoma.
Ka hafu ya vanana va ka Israyeli, Mosi a to teka m'thu mmweyo ka mtxhanu wa magumi a vathu, ni ka sihari, e ninga Valevhi, i ku vona va nga ti xayisa M'dhuti wa Mkoma, nga ti Mosi a nga rumiswa tona ngu Mkoma.
Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.
Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”
Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.
Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.
Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.
atile Dhavhidha a nga ti ningela ka Mkoma kumweko ni nzalama, ni silivhela, yile a nga yi honyola ka mamwani matiko: ka va ka Edhomi, ni Vamowabhi, ni ka vanana va ka Amoni, ni ka Vafilista, ni ka va Amaleki.
Se va to hisa didhoropa ngu mndilo, ni sotshe si si nga ti ti ho ka dona, hahanze ka silivhela dwe, ni nzalama, ni siya sa txikete, ni sa simbi, va to si ningela si maha thomba Nyumbani ka Mkoma.
Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.
Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.
Se ka dona ditshiku dile, Joxuwa a va mahile valavi va tikhuni, ni vareki va mati a msengeletano, ni a txiluvelo txa Mkoma, kala ka ditshiku da nyamsi, ka wukhalo wu a nga wu sawula.