Mitengo 31:11 - Bhiblia Yo Sawuleka

¹¹ Kambe va to teka sotshe so handwa, ni votshe vavamna ni sihari.

Mitengo 31:11 Referans Kwoze

Dhewuteronome 20:14

hahanze vavasikati ni vanana, ni sihari; ni sotshe sile si no maneka didhoropanimo, sotshe si u no handa, u na si teka si txi maha thomba yako; u na dya sile u no handa ka valala vako, avale Mkoma, Txizimu txako, a nga va ningela manzani kwako.

Joxuwa 8:2

“U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

Mitengo 31:10

Se va to hisa ngu mndilo otshe madhoropa awe, ni tinyumba ta kona totshe, ni otshe mazumbo awe.

Mitengo 31:12

Ve tisa ka Mosi ni ka mphaxeli Eleyazari, ni ka msengeletano wa vanana va ka Israyeli, tikhumbi, vo ñolwa, ni so handwa, dizumboni, tithembweni ka Mowabhi, ti ku hafuhi ni mnambo wa Jordhani, kona Jeriko.

Joxuwa 6:19

Aniko yotshe silivhela, ni nzalama, ni siya sa txikete ni sa simbi, si lumba Mkoma; si na maha thomba ya Mkoma.”

Joxuwa 11:14

Se sotshe si va nga handa ka ona madhoropayo, kumweko ni sifuyo, vanana va ka Israyeli va si tekile va txi phakelana ngu sona; se va to dayela votshe vavamna ngu ditxhari, va txi za ve va fuvisa; kha va nga leka ni txa tximwetxo txo hanya txi txi sala.

Genesisi 34:29

Va to handa tithomba tawe totshe, ni vasikati vawe, ve handa ni sotshe si si nga ti tinyumbani kwakwe.