Mitengo 31:10 - Bhiblia Yo Sawuleka

¹⁰ Se va to hisa ngu mndilo otshe madhoropa awe, ni tinyumba ta kona totshe, ni otshe mazumbo awe.

Mitengo 31:10 Referans Kwoze

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

1 Vafumeli 9:16

Nguko Faro, mfumeli wa Egipta, a kwelete eya honyola ni kuhisa Gezeri, se e dayela Vakanana vale va nga ti hanya didhoropani, a to ningela mwanana wakwe ku a txiva msikati wa Solomoni.

1 Samuwele 30:1

Ku to maheka koko taku, mbimo yile Dhavhidha ni vathu vakwe va nga hoka didhoropani ka Zikilage ngu ditshiku da wuraru, Vaamaleki va ti xasete Wulambwe ni didhoropa da Zikilage, va ti hoxotile didhoropa da Zikilage, ve di hisa ngu mndilo.

Joxuwa 6:24

Se va to hisa didhoropa ngu mndilo, ni sotshe si si nga ti ti ho ka dona, hahanze ka silivhela dwe, ni nzalama, ni siya sa txikete, ni sa simbi, va to si ningela si maha thomba Nyumbani ka Mkoma.

Genesisi 25:16

Ngu vona vava vanana va digumi ni vambidi, matina awe ma rayilwe sidhoropana sawe ni mikhokhola yawe: Mmweyo ni mmweyo i ti ti mthangeli wa lihunzu la ka kwawe.

Mitengo 31:9

Kambe vanana va ka Israyeli, va to tsulisa wukhumbini vavasikati va Vamidhiyani, ni vanana vawe; ve teka ni sihari sawe sotshe, ni sifuyo sawe sotshe, ni totshe tithomba tawe.

Mitengo 31:11

Kambe va to teka sotshe so handwa, ni votshe vavamna ni sihari.