Mitengo 30:8 - Bhiblia Yo Sawuleka

⁸ Se ngako mwamna wakwe a txi mtsimba ka ditshiku edo a tipfako, se a txi mtsimba ka ti a ngadi xambanyile, kumweko ni ti a nga womba ngu txisofu txakwe, atxi txi wombako ta mbilu yakwe, Mkoma a na m'divalela.

Mitengo 30:8 Referans Kwoze

Genesisi 3:16

Se ka wamsikati, Txizimu txi ti kha txona: “Ni na engetela kuxupheka kwako, ngako u di ni txirumbu, vanana vako va na velekwa hagari ka kupanda. Kunavela kwako ku na kuyisa ka mwamna wako, aniko ene a na kufuma.”

1 Vakorinto 14:34

vavasikati va na malale misengeletanoni; vona kha va tumelelwi kuwombawomba. Kulaveka va txi ti veka hahatshi, kota kuwomba ka wona mlayo.

1 Vakorinto 7:4

Wamsikati kha nga ni mtamo txitimwi ka mmidi wakwe apune, aniko mtamo wu ni mwamna wakwe; kufana ni toneto, wamwamna nene kha nga ni mtamo txitimwi ka mmidi wakwe apune, aniko mtamo wu ni msikati wakwe.

Levhi 5:4

ni kungako m'thu, na asi ti zivi ka txonetxo txikhati, a txi xambanya ti to a na maha ta tinene mwendo to biha ka mmwani m'thu, se ngu msana e tiziva ti a nga maha, neneyo m'thu ka mhaka yoneyo ana ni mnandu.

Mitengo 30:5

Aniko ngako tate wake a txi tipfa, se e mtsimba ditshiku edo kumaha ti a nga thembisa ni kuxambanya tona, wasikati wuwa a na ti leke, Mkoma a na m'divalela, nguko a na va a di tsimbilwe ngu tate wakwe.

Mitengo 30:7

Ngako mwamna wakwe a txi tipfa, asi wombi txilo ditshiku edo, ati a nga thembisa tona, ti na maheka; se ati a nga xambanya tona, to tsimbilelana ni mbiluni kwakwe, ti na maheka.

Mitengo 30:9

Votshe vavasikati va tinoni ni vo wuya ngu wukati, totshe ti va tsanisako ngu timbilu tawe, ti na maheka.

1 Samuwele 1:23

Se Elikana, mwamna wakwe, a to m'gela tiya: Maha ti u ti wonako i di tinene masoni kwako, zumba kala kuza u txi mlumula; Mkoma a na tsanise dipswi dakwe dwe. Ngu kumaha keto, Ana a to zumba e mamisa mwanana wakwe, kala kuza a txi mlumula.

Jeremiya 44:19

Ina mbimo yile hi nga hisela dibaselo Mfumeli wa txisikati wa Nzumani ni ku mninga miphaxo ni sa kusela, hi mmahela sibhubhutela kasi ku m'dhunda, ni ku mninga sa kusela hi si nga ni vamna vathu kani?