Mitengo 30:13 - Bhiblia Yo Sawuleka

¹³ Sotshe sithembiso ni sotshe sixambanyo a nga si tsanisa, kasi kuxanisa mbilu yakwe, mwamna a na si tumela mwendo ku si lamba.

Mitengo 30:13 Referans Kwoze

1 Vakorinto 11:3

Aniko ni lava ku mi txi ziva tito: Msungo wa wamwamna ngu Kristu; msungo wa wamsikati ngu wamwamna; se msungo wa Kristu ngu Txizimu.

1 Vakorinto 11:9

Wamwamna kambe kha mahelwa wamsikati, aniko wamsikati ngene a nga mahelwa wamwamna.

Isaya 58:5

Ina ngu kona kutitona ku ni ndi no kusawula: Aku ko ditshiku dimwedo m'thu e xanisa muhefemulo wakwe, e namisa msungo a txi nga liwungu, kambe e ateta disaka da koni dikhumani kani? Ina awe u ndi na khawe eko ngu kona kutitona sakudya, ni ditshiku do tsakisa Mkoma kani?

Masalmo 35:13

Kambe, mbimo yi vona va nga txi lwala, ani ni ti ambala disaka ni txi va xanisekela ngu kutitona sakudya ni ku va kombelela.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Mitengo 29:7

Se ngu ditshiku da digumi, ka mtxima wuwa wa wutxhanu ni yimbidi, mi na va ni msengeletano wo sawuleka, ni kukarateka timbiluni kwanu, mi nga maheni mthumo ni wawumwewo.

Levhi 23:32

Ka ditshiku donedo, kwanu motshe, di na va i di do humula, kasiku mi maha mithumo ya kukomba kupandiseka ngu sionho sanu. Kukhukhela ka ditshiku da wutxhanu ni mune, ni minova, kala kuswani ka ditshiku da wugumi, mi fanete kuzumba mi txi humula.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Mitengo 30:12

Kambe ngako mwamna wakwe a di mtsimbile, ka ditshiku di a nga tipfa ngu dona, totshe ti ti nga huma ngu txisofuni kwakwe, ta kuxambanya kwakwe, mwendo ta txikurumeto txa mbilu yakwe, kha ti na mbi maheka: Mwamna wakwe a ti tsimbile, se Mkoma a na m'divalela.

Mitengo 30:14

Kambe ngako mwamna wakwe a txi malala kupinda ditshiku asi wombi txilo, a na tsanise sotshe sixambanyo sakwe, ni sithembiso si wansikati a lavako ku si maha, nguko a malate ka ditshiku a nga tipfa ngu dona.