Mitengo 3:7 - Bhiblia Yo Sawuleka

⁷ se va na va ni mthumo wa wuwoneleli, ni kuwonelela wotshe msengeletano, amu ka ditenda da msengeletano, ngako va txi huma mu nyumbani.

Mitengo 3:7 Referans Kwoze

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 8:15

Valevhi va na wulela mthumoni ko xayisa ditenda da msengeletano, ku nga ti u txi va basisa, ni ku va ningela ka mningelo wa kundiwitela.

Mitengo 8:11

Se Aroni a to ningela Valevhi kasi kuve mningelo wa kundiwitela masoni ka Mkoma, awu wu humako ngu ka vanana va ka Israyeli. Vona Valevhi wu na va mthumo wawe ka Mkoma.

1 Makronika 26:26

Se Selomite ni vanawe va ti ti ni mthumo wo xayisa totshe tithomba ta siya so sawuleka sile mfumeli Dhavhidha, ni vathangeli va vatate, vathangeli va magumi a mazana, ni va mazana, ni vathangeli va mabutho a yimbi, va nga ti si sawulekisile;

1 Makronika 26:22

ka vanana va Jeyeli, Zetani, ni Joweli, mwanawe; avava va ti ni mthumo wo xayisa tithomba ta Nyumbani ka Mkoma;

1 Makronika 26:20

Se ngu ka va ka Levhi, Ayiya i ti ti mxayisi wa tithomba ta Nyumbani ka Txizimu, ni ka tithomba ta siya so sawuleka.

Mitengo 31:30

Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.

Mitengo 3:32

Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.

Levhi 8:35

Ngu toneto, zumbani ha txikeni ka ditenda da msengeletano, wusiku ni mitshikari, amu ka mtxhanu wa masiku ni mambidi. Mi fanete kuvekisa sileleto siya sa Txizimu, ngako mi si lavi kufa. Sileleto siya ngu sona ni nga gelwa.

Mitengo 3:8

Va na xayisa sotshe siya sa mu ditendani ka msengeletano, ni kuxayisa asi si lumbako vanana va ka Israyeli, asi va fanelako ku si xayisa amu ka Dithepele.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.