Mitengo 3:40 - Bhiblia Yo Sawuleka

⁴⁰ Se Mkoma a to khene ka Mosi: Bala votshe vanana va matiwula a vafana va va ka Israyeli, va tanga ya mtxima wumwewo ni kupinda, u bhala mtengo wa matina awe.

Mitengo 3:40 Referans Kwoze

Mitengo 3:15

Bala vanana va Valevhi, ngu mimwaya ya vatate vawe, ni tihunzu tawe, u na bala vavamna votshe kukhukhela ka wu wa mtxima wumwewo ni kuya masoni.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Masalmo 87:6

Txizimu txi na bhala matina dibhukuni, txi txi womba ti to awuwa a veleketwe koneyo.

Mitengo 3:45

Teka Valevhi ka wukhalo wa otshe matiwula a vanana va ka Israyeli, se sihari sa Valevhi ka wukhalo wa sihari sa Vaisrayeli. Valevhi va na va vangu. Ani ngani Mkoma!

Mitengo 3:12

“Ngani nipune ni nga sawula Valevhi hagari ka vanana va ka Israyeli, wukhaloni ka otshe matiwula, a hagari ka vanana va ka Israyeli, avale va ngava situla-masembe ka vamame vawe, ngu mhaka yeto Valevhi mbangu.

Mitengo 3:41

Ni sawulele Valevhi, (ani ngani Mkoma) ka wukhalo wa otshe matiwula a vanana va ka Israyeli, ni sihari sa Valevhi ka wukhalo wa sihari sa vanana va ka Vaisrayeli.