Mitengo 3:3 - Bhiblia Yo Sawuleka

³ Eyo matina a vanana va Aroni, vaphaxeli va nga totwa, ava va nga emiselwa kuthuma mthumo wa wuphaxeli.

Mitengo 3:3 Referans Kwoze

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Levhi 8:30

Kambe Mosi a to teka mtona wo tota ngu wona, ni mnoha wu wu nga ti txitimwi ka txiluvelo, xwayela ngu sona Aroni ni syambalo sakwe sa wuphaxeli, kumweko ni vanana vakwe, ni syambalo sawe sa wuphaxeli. Ngu toneto, Mosi a katekisile Aroni ni vanana vakwe, kumweko ni syambalo sa wuphaxeli.

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

Eksodha 40:15

u na va tota nga ti u nga totisa tona tate wawe, se va na va vaphaxeli va mthumo wangu; ngu kutotwa kwawe, wuphaxeli wu na va wawe mbimo yotshe, ngu liveleko ni liveleko.”

Eksodha 40:13

U na ambeka Aroni ngu syambalo so sawuleka; u na mtota u txi m'basisa kasiku e thuma mthumo wa wuphaxeli, masoni kwangu.

Mitengo 3:4

Nadhabhi ni Abhiyu va fite masoni ka Mkoma, txiwulani ka Sinayi, mbimo yi va nga ningela mphaxo masoni ka Mkoma, ngu mndilo i singako wona. Vona va si nga ni vanana, ngu mhaka yeto, Eleyazari ni Itamari, ngu vona va nga teka mthumo wa wuphaxeli masoni ka Tate wawe Aroni.

1 Makronika 23:6

Se Dhavhidha a to va abanisela ngu mitxawa, madingano ni vanana va ka Levhi: Gerisoni, Kowati ni Merari.