Mitengo 3:25 - Bhiblia Yo Sawuleka

²⁵ Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano.

Mitengo 3:25 Referans Kwoze

Eksodha 25:9

Mi na maha nyumba ni sotshe simaha sa kona nga ti ni no kukombisa ngu mfananiso wa kona.”

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

Marku 13:34

Nguko ti fana ni m'thu wu a nga maha dipfhumba. Mbimo yi a nga khukha ha m'tini, a ningile mtamo ka sithumi sakwe, mmwani ni mmwani a txi mninga mthumo wakwe, se e leleta ni muwoneleti wa ha txikeni ti to e wonisisa.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

1 Makronika 23:32

ni kuxayisa kha kwati ditenda da msengeletano, ni wukhalo wo sawuleka, ni kuvhuna vanana va ka Aroni, vanawe, ka mthumo wa Nyumbani ka Mkoma.

Mitengo 10:17

Sekoko nyumba yi to tshungunulwa, se vanana va ka Gerisoni ni vanana va ka Merari, ve kukha va ti rwate nyumba.

Mitengo 7:7

Vanana va Gerisoni a va ningile sikotxikani simbidi ni mune wa tihomu, madingano ni mthumo wawe.

Mitengo 3:7

se va na va ni mthumo wa wuwoneleli, ni kuwonelela wotshe msengeletano, amu ka ditenda da msengeletano, ngako va txi huma mu nyumbani.

Eksodha 40:28

Ngu msana a to veka nguwo ya m'jiyo, ha txikeni ka ditenda do sawuleka,

Eksodha 40:19

a to tshulela ngu ditenda da txitshulelo e sanzeka txifenengeto txitimwi ka kona, madingano ni ti Mkoma a nga mrumisa tona.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 3:24

Se mthangeli wa nyumba ya ka Gerxoni i ti ti Eliyasafe, mwana Layeli.