Mitengo 3:13 - Bhiblia Yo Sawuleka

¹³ Nguko otshe matiwula ma ni lumba; kukhukhela ka ditshiku dile ni nga heta matiwula a vanana va Vaegipta, ni ti sawulete otshe matiwula a va ka Israyeli kukhukhela ka vathu, ni sihari, ma lumba ani! Ani ngani Mkoma!”

Mitengo 3:13 Referans Kwoze

Luka 2:23

madingano ni ti ti nga bhalwa amu ka Mlayo wa Mkoma, va txi kha vona: “Mwanana wa m'zambi, wuhi ni wuhi i ku wa matiwula, a na phaxwa a txi mahwa wo lumba Mkoma.”

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Eksodha 13:2

Ni sawulekisele “otshe matiwula, hagari ka vanana va ka Israyeli, matiwula a vathu mwendo a sihari, nguko otshe ngangu.”

Levhi 27:26

Ni wammweyo m'thu kha na kumaha mningelo wa txixambanyo ngu matiwula a txihari, nguko txona txi lumba Mkoma, ngu mlayo; hambi i di matiwula a homu, mwendo nvuta, mwendo phongo.

Eksodha 13:15

Nguko, ngako Faro a di bangisile mbilu yakwe, asi hi leki hi txi huma, Mkoma a date otshe matiwula a ditikoni ka Egipta, kukhukhela ka matiwula a vathu kala ka matiwula a sihari. Ngu toneto, hi phaxako ka Mkoma ngu matiwula otshe a txiwamna, aniko ha wukhaloni ka vanana vathu va txiwamna hi phaxa ngu sifuyo.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Ezekhiyele 44:30

Kambe matiwula a yotshe mihando yo khata ka sotshe, ni yotshe miningelo ya sotshe ka sotshe sa miningelo yanu, si na lumba vaphaxeli; ni so khata ka silo sanu, mi na si ningela ka mphaxeli, kasi ku a na txhikisa makatekwa txitimwi ka nyumba yako.

Mitengo 18:15

Otshe matiwula ma no tiswa ka Mkoma, a vathu ni a sihari, ma nava ako; hambiko u na tirula matiwula a vathu; ni matiwula a sihari so yila, u ma tekisa.

Eksodha 34:19

Otshe matiwula ngangu, hambi otshe matiwula a vamatune a sifuyo sanu sa hombe ni sa sidotho.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Nehemiya 10:36

Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.

Mitengo 3:41

Ni sawulele Valevhi, (ani ngani Mkoma) ka wukhalo wa otshe matiwula a vanana va ka Israyeli, ni sihari sa Valevhi ka wukhalo wa sihari sa vanana va ka Vaisrayeli.

Mitengo 18:6

Wonani ti to konkuwa, ni sawute vanana va ka Levhi, ni va thavisa hagari ka vanana va ka Israyeli, ve ningelwa kwanu ni ka Mkoma, kasi ve thuma mthumo wa ditenda, ni wa msengeletano.

Mitengo 33:4

Vaegipta va to kelelela vale va nga ti datwe ngu Mkoma, ka otshe matiwula, se Mkoma a to lamula sizimu sawe.