Mitengo 3:10 - Bhiblia Yo Sawuleka

¹⁰ Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Mitengo 3:10 Referans Kwoze

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Varoma 12:7

awu a ku ni txihiwa txa kuthumela vamwani, a na va thumele; awu a nga ningwa kugondisa a na gondise;

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Vahebheru 8:4

Nguko, idiku Kristu a ti ko vaho ha mafuni, nga i si nga mphaxeli ni ka kudotho, nguko vaho vaphaxeli va va humisako miningelo madingano ni sileleto sa mlayo.

Vaefesu 2:19

Ngu toneto, anu kha mi nga ngadi vamatiko mwendo vawuyi, aniko mi vamwevo ni vasawuleki va mwaya wa Txizimu,

Ezekhiyele 44:8

Aniko kha ma vekisa silayelo sa simaha sangu so sawuleka; kambe anu mipune mi ti mahile vaxayise va silayelo sangu, nyumbani kwangu ko sawuleka.

Mitengo 18:3

Vona va na maha mthumo wako ni wa ditenda dotshe. Aniko va nga thuke ve tshuketa aha ka siya so sawuleka, hambi ha txiluveloni, nguko va ngafa, kumweko ni nawe.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

1 Makronika 6:32

Se va ti embelela masoni ka ditenda da msengeletano, kala kuza Solomoni a txi aka Nyumba ya Mkoma kona Jerusalema; va to maha mthumo wawe, madingano ni sihena sawe.

2 Samuwele 6:7

Sekoko kuhenya ka Mkoma ku to wukela Uza, se Txizimu txi mpeka koneho ngu mhaka ya matloti akwe; se a to fela koneho hafuhi ni dibhokiso da Txizimu.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Levhi 22:10

Awule i singako wa m'tini ka mphaxeli, a nga thuke a txidya so katekiswa; mwendo mpfhumba wakwe, hambi txithumi txakwe txi a txi holelako, va nga silo so katekiswa.

Mitengo 3:11

Se Mkoma a to engeta e womba ka Mosi a txi khene:

Mitengo 16:10

Txizimu txi ku tshuketisile awe ni votshe vananu, i ku va ka Levhi, ni ku mi lavako wuphaxeli kambe kani?

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Dhewuteronome 18:5

Nguko Mkoma, Txizimu txako, a sawute, hagari ka totshe tihunzu tako, kasi ku e maneka masoni kwakwe, a txi maha mthumo wa wukhongeli ngu ditina da Mkoma, ene ni vanana vakwe, kala kupinduka.

1 Vafumeli 12:31

Se a to aka tinyumba to guleka, e teka vathu va hahatshi e va maha vaphaxeli, ava i nga si nga vanana va ka Levhi.

Nehemiya 6:11

Aniko ni to khani: M'thu wo fana ni nani a nga tutuma kani? I mani a kuho wo fana ni nani, a wulelako dithepeleni e hanya kani? Ngu mamahelo eyo, kha ni na mbi wulela.