Mitengo 3:1 - Bhiblia Yo Sawuleka

¹ Ngu tiya tiveleko ta Aroni ni ta Mosi, mbimo yi Mkoma a nga womba-womba ka Mosi, mmangoni ka Sinayi.

Mitengo 3:1 Referans Kwoze

Eksodha 6:20

Amiramu a to tekana ni Jokabhedhi, hahani wawe, awu a nga veleka nayo Aroni ni Mosi. Amiramu a hanyile 137 wa malembe.

Matewu 1:1

Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

Levhi 27:34

Ayiya, milayo yi yi nga mahelwa va ka Israyeli, ayi Mkoma a nga leleta Mosi, mmangoni ka Sinayi.

Levhi 25:1

Mkoma a to womba kambe ka Mosi, mmangoni ka Sinayi, a txi khene:

Eksodha 6:27

Ngu vona va Aroni ni Mosi va nga womba ka Faro, mfumeli wa Egipta, va txi kha vona: Humisa va ka Israyeli ditikoni ka Egipta.

Eksodha 6:16

Aawa matina a vanana va ka Levhi madingano ni tiveleko takwe: Gerisoni, Kohate ni Merari. Levhi a hanyile 137 wa malembe.

Genesisi 10:1

Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.

Genesisi 5:1

Adiya dibhuku da liveleko la Adhamu. Mbimo yi Txizimu txi nga vanga m'thu, txi mmahile a txi fanana ni Txizimu.

Genesisi 2:4

Aawa ngu ona makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,

Mitengo 2:34

Vanana va ka Israyeli va mahile totshe ti Mkoma a nga leletisa tona ka Mosi. Nguko mhaka eto, va zumbile ngu kulondetela mijeke yawe, ni kukhukha madingano ni tihunzu ta vatate vawe.