Mitengo 29:17 - Bhiblia Yo Sawuleka

¹⁷ Ngu ditshiku da wumbidi, mi na nigela digumi da marole ni mambidi, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa.

Mitengo 29:17 Referans Kwoze

Vahebheru 8:13

Ngu toneto, ngako a txi womba ngu txitumelelano txa txiphya, a txhipisa txile txo khata. Se atxi i ku txa kale, atxi txi nga txhipa txi hafuhi ni kumwalala.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Masalmo 69:31

Atiya ti na tsakisa ngutu ka Txizimu kupinda timhamba, madhuna ni marole.

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Mitengo 29:13

Se ngu mphaxo wa kuhiswa, wo bhumula, ka Mkoma, mi na ningela digumi da marole ni mararu, tihamba timbidi, ni digumi da sinvutana ni mune, sa dilembe dimwedo; sa kwa mbi na sibawa.

Levhi 23:36

Anu, ka ona masikuyo a mtxhanu ni mambidi, mi na maha miningelo yo hiswa ka Mkoma. Ka ditshiku da wutxhanu ni mararu, mi na ramba msengeletano wo sawuleka, mi maha mningelo wa mhamba ka Mkoma. Msengeletano wa m'buso wo gwitisa, mi nga maheni mthumo ni wawumwewo.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;