Mitengo 29:12 - Bhiblia Yo Sawuleka

¹² Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Mitengo 29:12 Referans Kwoze

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Ezekhiyele 45:25

Ka mtxima wa wutxhanu ni yimbidi, ngu ditshiku da digumi ni mtxhanu ka mtxima, m'busoni, a na maha toneto tatimweto ka otshe masiku a mtxhanu ni mambidi, ka mphaxo wa kudivalela sionho, ni ka mningelo wo hiswa, ni ka mningelo wa sakudya, ni mtona.

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

Nehemiya 8:14

Se va to ya mana ku di bhatwe ha Mlayoni tile Mkoma a nga leletela Mosi tito, vanana va ka Israyeli va na zumbe midhutini, ve mahela kona m'buso wa mtxima wa wutxhanu ni wumbidi.

Eksodha 34:22

U na vekisa kambe m'buso wa mavhiki, amu ka mbimo ya silo so khata mu kuelulani ka fulaho, ni m'buso wa kuelula ngu magwito ka dilembe.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mitengo 29:13

Se ngu mphaxo wa kuhiswa, wo bhumula, ka Mkoma, mi na ningela digumi da marole ni mararu, tihamba timbidi, ni digumi da sinvutana ni mune, sa dilembe dimwedo; sa kwa mbi na sibawa.

1 Vafumeli 12:32

Jerobhowamu a to maha m'buso ngu mtxima wa wutxhanu ni yiraru, ka ditshiku da digumi ni mtxhanu ka mtxima.

Ezra 3:4

Va to maha Mbuso wa Midhuti, nga tile ti nga bhalwa, ve ningela miphaxo yo hiswa ditshiku ni ditshiku, ngu kulondetelana, madingano ni txihena, tximwetxo ni tximwetxo ka ditshiku da txona;

Levhi 23:7

ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;

Mitengo 29:35

Se ngu ditshiku da wutxhanu ni mararu, mi na va msengeletano wa mpipi wa hombe, mi nga maheni mthumo ni wa wumweyo: