Mitengo 29:1 - Bhiblia Yo Sawuleka

¹ Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mitengo 29:1 Referans Kwoze

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Masalmo 89:15

Va katekile vathu vale va zivako ku kudhumisa, Mkoma, avale va hanyako kuwonekelani ka khohe yako.

Ezra 3:6

Kukhukhela ka ditshiku do khata ka mtxima wa wutxhanu ni yimbi, va to khata kuningela miphaxo yo hiswa ka Mkoma; kambe kusanzi kuvekwa sitsaniso sa dithepele da Mkoma.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

Nehemiya 7:73

Se vaphaxeli, ni Valevhi, ni vawoneleli va sike, ni vaembeleli, ni vathu vokari, ni vanetine, ni votshe va ka Israyeli, va to zumba madhoropani kwawe.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Eksodha 34:22

U na vekisa kambe m'buso wa mavhiki, amu ka mbimo ya silo so khata mu kuelulani ka fulaho, ni m'buso wa kuelula ngu magwito ka dilembe.

Levhi 23:23

Mkoma a wombile kambe ka Mosi, a txi khene:

Mitengo 28:26

Kufana ni tona eto, ma txi hoka masiku a mihando yo khata, ka mbimo yi mi ningelako mningelo wa wuphya wa sakudya ka Mkoma, madingano ni M'buso wanu wa Mavhiki; mi nga thumeni mthumo ni wawumwewo wo nemela.

Mitengo 29:2

Sekoko mi na ningela ka Mkoma mphaxo wa kuhiswa, wo bhumula, dirole, hamba, ni mtxhanu wa sinvutana ni simbidi, sa dilembe dimwedo, sa kwa mbi na sibawa.

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Levhi 23:7

ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;

Mitengo 29:35

Se ngu ditshiku da wutxhanu ni mararu, mi na va msengeletano wa mpipi wa hombe, mi nga maheni mthumo ni wa wumweyo:

Nehemiya 8:2

Se mphaxeli Ezra a to neha Mlayo masoni ka msengeletano, ka vavamna, ni vavasikati ni ka totshe titxhari ti ti no pfisisa mbimo yi di no gondwa, ngu ditshiku do khata da mtxima wa wutxhanu ni yimbidi.