Mitengo 28:9 - Bhiblia Yo Sawuleka

⁹ Aniko, ngu ditshiku da Sabbata, ku na ningelwa sinvutana simbidi sa dilembe dimwedo, sa kwa mbi na txibawa, ni mningelo wa mpimo wa wumbidi wa mpupu wo kanyangelwa ni mtona, ni mningelo wa sakudya ni sa kusela sa kona.

Mitengo 28:9 Referans Kwoze

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Ezekhiyele 20:12

Kambe ni va ningile Masabbata angu, kasi ku ma txi maha txikombiso hagari kwangu navo, va na tiziva taku ani ngani Mkoma, ni va sawulekisako.

Mitengo 28:8

Ni minova u na ningela tximwani txinvutana; atxi txi no ningelwa kumweko ni mningelo wa sakudya ni mixo, ni sa kusela, wu na va mningelo wa kuhiswa, wo bhumula, ka Mkoma.

Mitengo 28:10

Awuwa ngu wona mphaxo wa kuhiswa wa Sabbata ni Sabbata, kuleka mningelo wa kuhiswa wa ditshiku ni ditshiku, ni mningelo wa sakudya ni sa kusela.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 8:13

e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

Ezekhiyele 46:4

Se mningelo wa kuhiswa a no ningela mthangeli ka Mkoma, ku nava ngu ditshiku da Sabbata, mtxhanu wa sinvutana ni tximwetxo sa kwa mbi na sibawa, ni hamba yimweyo ya kwa mbi na txibawa.

2 Vafumeli 4:23

Se mwamna wa kona a to khene: Kasi wo ya bhula txani nayo nyamsi kani? Hi nga kumeka ka mtxima, hi nga Sabbata. Wamsikati a to khene, kha ku na txikarato txa txilo.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.