Mitengo 28:7 - Bhiblia Yo Sawuleka

⁷ Mningelo wa sa kusela wu na va wa mpimo wa wumune wa hini, wa txinvutana txo khata: Vhinya ya yinene yi na thelwa kasi kuninga Mkoma ha wukhaloni ko sawuleka.

Mitengo 28:7 Referans Kwoze

Eksodha 29:42

Awuwa mningelo wa mhamba yo hiswa wu na va wa mbimo yotshe awule wu no mahwa ngu nganu ngu liveleko ni liveleko ha txikeni ka ditenda da msengeletano, masoni ka Mkoma, ka wukhalo wule ni no tshangana ni nanu kasiku ni womba-womba ni nawe.

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:9

Ku wilisilwe mningelo wa sakudya, ni sa kusela Nyumbani ka Mkoma; vaphaxeli, i ku sithumi sa Mkoma, va pandisekile.

Isaya 57:6

Amu ka marigwi o swililika a sinambwanani, ku ni txyavelo txako; asiya ngu sona i kuthomba yako; kambe ka sona u thela sa kusela kwako, se u txi si ninga miningelo; ina ani ni ndi na tsakiswa ngu sona eso kani?

Mitengo 28:31

Hahanze ka mphaxo wa kuhiswa wa yotshe mbimo, ni mningelo wa kona wa sakudya, mi na si ningela ( si si nga ni sibawa), ni sa kusela sa kona.

Mitengo 28:14

Se mningelo wa kona wa sa kusela, mbwa diphikama da hini ya vhinya, ka dirole, ni mpimo wa wuraru wa hini ka hamba, mpimo wa wumune wa hini ka txinvutana tximwetxo; awuwa mphaxo wa kuhiswa, wa kumeka ka mtxima ni mtxima, madingano ni mitxima ya dilembe.

Mitengo 15:10

u na ningela ni diphikama ya hini ya vhinya, kasi kumaha mphaxo wo hiswa wu ku ni kubhumula ko tshamba, ka Mkoma.

Mitengo 15:7

amu ka mpimo wa wuraru wa hini wa vhinya, kasi kumaha mningelo wa sa kusela, u na ningela ngu so bhumula, asi si tsakisako Mkoma.

Mitengo 15:5

U na ningela ngu vhinya ya mpimo wa wumune wa hini, kasi kumaha mningelo wa sa kusela, kumweko ni nvuta yimwani ni yimwani, yi phaxwako ngu kuhiswa, mwendo kudawa.

Levhi 23:13

Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Eksodha 30:9

Mi nga thuki mi txi hisela kona dimwani dibaselo, hambi yimwani mhamba yo hiswa, hambi mningelo wumwani, ni kutheketa txitimwi ka txona so sela.

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Mitengo 28:6

Awuwa mphaxo wo hiswa wa ditshiku ni ditshiku, awu wu nga txi mahwa mmangoni ka Sinayi, kasi kuva mphaxo wo bhumula wu hiselwako Mkoma.

Mitengo 28:8

Ni minova u na ningela tximwani txinvutana; atxi txi no ningelwa kumweko ni mningelo wa sakudya ni mixo, ni sa kusela, wu na va mningelo wa kuhiswa, wo bhumula, ka Mkoma.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.