Mitengo 28:4 - Bhiblia Yo Sawuleka

⁴ Ni mixo u na phaxa ngu txinvutana, ni minova u phaxa ngu tximwani txinvutana;

Mitengo 28:4 Referans Kwoze

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

Mitengo 9:3

Mi na yi maha ngu mbimo yi yinga emiswa ngu Mkoma, ngu ditshiku da digumi ni mune ka wona wuwa mtxima, ni minova, mi na yi maha ngu milayo ya kona yotshe, ni sileleto sa kona sotshe.

Eksodha 12:6

mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Levhi 3:7

Ngako u txi ningela ngu txinvutana ka mningelo wako, tsula u ya txi ningela masoni ka Mkoma.

Mitengo 28:3

Se u na va gela tito: Mningelo wo hiswa wu mi ningelako ka Mkoma ngu wuwa: Mi na ningela tihamba timbidi ta dilembe dimwedo, ta kwa mbi na txibawa. Ewo wu na va mningelo wo hiswa wa ditshiku ni ditshiku.

Mitengo 28:5

se mpimo wa wugumi wa efa ya mpupu wo tshura, wu na va mningelo wa sakudya, wo kanyangelwa ngu mpimo wa wumune wa hini ya mtona.

1 Makronika 16:40

kasi kuve ningela miphaxo ya kuhiswa, ka Mkoma, txitimwi ka txiluvelo txa miphaxo ya kuhiswa, ya yotshe mbimo, wusiku ni mitshikari; se ni to madingano ni tile ti nga bhalwa amu ka Mlayo wa Mkoma, wu wu nga leletelwa va ka Israyeli.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.