Mitengo 28:25 - Bhiblia Yo Sawuleka

²⁵ Se ngu ditshiku da wutxhanu ni mambidi, mi na va ni msengeletano wo sawuleka; mi nga maheni mthumo wo nemela.

Mitengo 28:25 Referans Kwoze

Levhi 23:8

aniko amu ka mtxhanu wa masiku ni mambidi, mi na ningela miningelo yanu yo hiswa ka Mkoma; ka ditshiku da wutxhanu ni mambidi, ku nava ni m'buso wo sawuleka; kha mi na mbi maha mthumo ni wawumwewo.

Mitengo 28:18

Ka ditshiku do khata, ku nava ni msengeletano wo sawuleka; mi nga dhuke mi txi thuma mthumo wa kunemela, ngu dona ditshiku diya.

Eksodha 13:6

Mi na dya mapawu o mbi tshumbelwa mndani ka mtengo wa mtxhanu wa masiku ni mambidi, se ka ditshiku da wutxhanu ni mambidi ku na vaho m'buso wo dhumisa Mkoma.

Eksodha 12:16

Ka ditshiku do khata mi na va ni msengeletano wo sawuleka, ni ka ditshiku da mtxhanu ni mambidi mi na va ni msengeletano wo sawuleka; kha mi na mbi ñola ni wawumwewo mthumo ka masiku oneyo, hahanze ka mthumo wa kululamisa asi mmweyo ni mmweyo a no dya.

Mitengo 29:35

Se ngu ditshiku da wutxhanu ni mararu, mi na va msengeletano wa mpipi wa hombe, mi nga maheni mthumo ni wa wumweyo:

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mitengo 28:26

Kufana ni tona eto, ma txi hoka masiku a mihando yo khata, ka mbimo yi mi ningelako mningelo wa wuphya wa sakudya ka Mkoma, madingano ni M'buso wanu wa Mavhiki; mi nga thumeni mthumo ni wawumwewo wo nemela.

Levhi 23:25

Ka ditshiku donedo, mi nga maheni mthumo ni wuhi wo nemela, kambe mi na maha mningelo wa mhamba yo hiswa ka Mkoma.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Levhi 23:7

ka ditshiku do khata, mi na va ni m'buso wo sawuleka; kha mi na mbi maha mthumo ni wawumwewo;

Dhewuteronome 16:8

Mndani ka mtxhanu wa masiku ni dimwedo, u na dya mapawu o mbi tshumbelwa, se ka ditshiku da wutxhanu ni mambidi, ku nava ni msengeletano wa m'buso wo dhumisa Mkoma, Txizimu txako; u nga mahe mthumo ni wawumwewo.”