Mitengo 28:24 - Bhiblia Yo Sawuleka

²⁴ Madingano ni mamahelo awa, ditshiku ni ditshiku mi na ningela, mndani ka mtxhanu wa masiku ni mambidi, mningelo wa sakudya sa mphaxo wa kuhiswa, wo bhumula, ka Mkoma; hahanze ka mphaxo wa kuhiswa wa yotshe mbimo, ku na ningelwa siya, ni sa kusela sa kona.

Mitengo 28:24 Referans Kwoze

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Mitengo 28:3

Se u na va gela tito: Mningelo wo hiswa wu mi ningelako ka Mkoma ngu wuwa: Mi na ningela tihamba timbidi ta dilembe dimwedo, ta kwa mbi na txibawa. Ewo wu na va mningelo wo hiswa wa ditshiku ni ditshiku.

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Ezekhiyele 45:23

Kambe amu ka mtxhanu wa masiku ni mambidi a m'buso, a na lulamisa mningelo wa kuhiswa, ka Mkoma, wa mtxhanu wa marole ni mambidi, ni mtxhanu wa sinvutana ni simbidi, sa kwa mbi na sibawa, ditshiku ni ditshiku, kala mtxhanu wa masiku ni mambidi; ni mphaxo wa kudivalela sionho ngu mabhongwe ditshiku ni ditshiku.

Vahebheru 10:11

Kha ditshuri, mphaxeli wuhi ni wuhi wa Txitumelelano txa Kale, a humelela ngu mthumo wakwe wa kukhozela, otshe masiku, a txi wuyelela kuphaxa yoneyo mhamba ya yimweyo, sikhati sasingi, kambe yona kha yi sikoti kufuvisa txionho.